I Phung Hađăch 20:34 - Nau Brah Ndu Ngơi 2023

³⁴ Y-Ben-Hadat lah ma Y-Ahap: “Gâp mra mplơ̆ ma may lĕ ƀon mbơ̆ gâp sŏk jêh tă bơh mbơ̆ may, jêh ri may ndâk ngih tăch drăp ta Damas, nâm bu mbơ̆ gâp hŏ ƀư tâm Samari.” Y-Ahap lah: “Gâp sŏk dơn nau may hŏ tâm nkol aơ jêh ri mra ăn may hăn sĭt.” Pônây Y-Ahap ƀư nau tâm nkol đah Y-Ben-Hadat, jêh ri ăn Y-Ben-Hadat hăn sĭt.

I Phung Hađăch 20:34 ပူးပေါင်းရင်းမြစ်များ

I Phung Hađăch 15:20

Y-Ben-Hadat iăt tĭng nau hađăch Asa, prơh phung kôranh tahan păng hăn tâm lơh đah lĕ ƀon phung Israel, pit sŏk ƀon Ijôn, Dan, Abel-Bel-Maka, jêh ri lam lĕ n'gor Chinêrôt jêh ri n'gor Naptali.

I Phung Hađăch 20:33

Phung bunuyh nây saơ geh nau mbên ueh, ndal dơn gơnh ro nau nây jêh ri lah: “Ơ, Y-Ben-Hadat jêng oh nâu may.” Y-Ahap lah tay đŏng: “Djôt leo hom păng hăn mâp đah gâp.” Y-Ben-Hadat hăn mpơl măt tanăp Y-Ahap, păng jă Y-Ben-Hadat hao ndeh seh păng nơm.

I Phung Hađăch 20:42

Nơm mbơh lor lah: “Brah Yêhôva lah: ‘Yorlah may mƀơk lơi bơh ti may bunuyh Gâp lĕ dăp nal jêh ma nau ƀư rai lơi, pônây nau rêh may mra ntrok nau rêh păng jêh ri nau rêh phung ƀon lan may ntrok nau rêh phung ƀon lan păng.’”

I Phung Hađăch 22:31

Nôk nây, hađăch Aram hŏ ntĭnh jêh ma phung pe jât ma bar nuyh kôranh chiă uănh tahan ƀĭt ndeh seh pô aơ: “Khân may lơi tâm lơh ôh đah bu, nđâp lah phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

II Nau Rêh Jêng 16:4

Y-Ben-Hadat iăt tĭng nau hađăch Asa, đă phung kôranh chiă uănh phung tahan djôt leo phung tahan hăn lơh lĕ phung ƀon Israel, pit sŏk ƀon Ijôn, Dan, Abel-Maim ndrel ma lĕ rngôch ƀon geh jay prăp drăp ndơ khlay tâm n'gor Naptali.

II Nau Rêh Jêng 18:30

Ta lor ri, hađăch Aram hŏ ntĭnh jêh ma phung kôranh chiă uănh tahan ƀĭt ndeh seh pô aơ: “Lơi tâm lơh ôh đah bu, phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 8:12

“Lơi rnha ôh nau ndơm ma lĕ rngôch nau phung ƀon lan aơ mra rnha nau ndơm! Lơi klach ôh nau khân păng klach, mâu lĕ râm nsâr.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

I Samuel 11:1

Y-Nahas, bunuyh Ammôn, hăn hao nchueng jŭm Jabes Gilêat. Lĕ rngôch bunuyh gŭ tâm Jabes lah ma Y-Nahas: “Dăn ndâk hom nau tâm rnglăp ma hên, hên mra pah kan ma may.”

I Samuel 15:8

Păng nhŭp rêh Y-Agak, hađăch phung Amalek, jêh nây ƀư rai lĕ rngôch ƀon lan ma mpiăt đao.

I Samuel 15:9

Ƀiălah Y-Sôl jêh ri phung ƀon lan mâu nkhĭt Y-Agak, mâu đŏng nkhĭt lĕ mpô mpa ueh lơn tâm phung ndrôk jêh ri biăp, lĕ mpô mpa lay rmŏng, lĕ biăp kon, jêh ri lĕ rngôch mpô mpa ueh lơn. Khân păng mâu ŭch ƀư rai ôh lĕ mpa nây, knŏng ƀư rai lĕ rngôch mpô mpa mâu ueh jêh ri mâu geh khlay.