I Phung Hađăch 20:31 - Nau Brah Ndu Ngơi 2023

³¹ Phung oh mon Y-Ben-Hadat lah ma hađăch: “Hên tăng bu lah jêh phung hađăch ngih Israel geh nau ueh. Yor ri, dăn ăn ma hên sŏk nsrôt ƀau ta gang bŭt jêh ri mpân rse brăt ta bôk, jêh nây hên hăn ran ma hađăch Israel; klăp lah păng ăn ma hađăch rêh!”

I Phung Hađăch 20:31 ပူးပေါင်းရင်းမြစ်များ

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 14:2

Yor ri, Y-Jôap prơh bu hăn tât ta ƀon Têkôa, joi du huê bu ur me blau mĭn, jêh ri lah ma păng: “Ay jan lah ƀư bunuyh dôl geh nau klâng ndrê, nsoh kho ao klâng ndrê, lơi mhĭng ôh dak ƀâu kah. Ƀư hom nâm bu du huê bu ur me klâng ndrê jŏ nar.

II Samuel 3:31

Y-Đavit lah ma Y-Jôap jêh ri lĕ rngôch phung ƀon lan tĭng ndô̆ păng: “Nkhêk hom ao khân may, nsoh ao ma bok ƀau, jêh ri nhĭm vơl ma Y-Apner.” Jêh nây Y-Đavit tĭng groi băng.

I Phung Hađăch 20:23

Phung oh mon hađăch Aram lah ma păng pô aơ: “Phung brah khân păng jêng brah yôk, yor nây khân păng ktang lơn ma he. Ƀiălah ta lah nau tâm lơh đah khân păng tâm ntŭk neh lâng, nanê̆ he mra jêng dơi tâm lơh ma khân păng.

I Phung Hađăch 20:32

Pôri khân păng nsrôt ƀau ta gang bŭt khân păng jêh ri mpân rse brăt ta bôk, jêh nây hăn luh ran lăp ma hađăch Israel, jêh ri lah: “Oh mon may jêng Y-Ben-Hadat lah ma may pô aơ: ‘Dăn om ma gâp rêh.’ ” Y-Ahap lah: “Păng hôm e rêh lĕ? Păng jêng oh nâu gâp.”

II Phung Hađăch 5:13

Ƀiălah phung oh mon păng văch êp păng, jêh ri lah: “Ơ mbơ̆, tơlah nơm mbơh lor geh ntĭnh ma may ƀư du nau jêr, mâm may mâu mra ƀư? Rlau lơn ma aƀaơ păng knŏng lah ma may: ‘Ŭm hom jêh ri jêng kloh!’”

II Phung Hađăch 7:4

Tơlah lăp tâm ƀon he mra khĭt ji ngot ta nây, yorlah tâm ƀon geh nau ji ngot toyh; bi tơlah gŭ ta aơ, he mra khĭt. Pôri aƀaơ, he hăn rlet ma pôih phung tahan Aram jêh ri hăn lăp mpeh khân păng. Tơlah khân păng ăn ma he gŭ rêh, pôri he mra rêh, jêh ri tơlah khân păng nkhĭt he, pôri he mra khĭt dơm.”

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Ndrom Samƀŭt bơh Yôp 2:4

Satan plơ̆ sĭt lah ma Brah Yêhôva, “‘Sŏk ntâu ntrok ntâu!’ Khân păng rơm ndrăp jêh ăn lĕ rngôch ndơ păng geh gay tâm rklaih nau rêh păng.

Nau Mprơ Ơm 69:11

Gâp sŏk bok ƀau nsoh ƀư ao Pôri gâp jêng nau pâl gơm ma khân păng.

Nau Hôr 20:28

Nau ueh jêh ri nau nanê̆ ngăn king hađăch; Hađăch sŏk nuih n'hâm ueh tâm kơl sưng hađăch bri dak păng.

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 37:1

Tơlah hađăch Hêsêkia tăng nau nây, păng nkhêk bok ao păng ro, nsoh ao ƀau jêh ri lăp tâm ngih Brah Yêhôva.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”