I Phung Hađăch 20:22 - Nau Brah Ndu Ngơi 2023

²² Nôk nây, nơm mbơh lor hăn mâp đah hađăch Israel jêh ri lah ma păng: “Hăn hom, ƀư ktang phung tahan may, jêh ri sek uănh ăn nanê̆ moh nau may mra ƀư, yorlah ta năm pakơi taơ hađăch Aram mra plơ̆ tay tâm lơh đah may.”

I Phung Hađăch 20:22 ပူးပေါင်းရင်းမြစ်များ

II Samuel 11:1

Lăp yan kao jêng rnôk phung hađăch vay hăn tâm lơh. Y-Đavit prơh Y-Jôap ndrel phung tahan păng jêh ri lĕ rngôch phung Israel hăn tâm lơh; khân păng lơh rai phung Ammôn jêh ri nchueng jŭm ƀon Raba. Ƀiălah Y-Đavit hôm gŭ ta Yêrusalem.

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:21

Hađăch Israel hăn rduh lơh seh jêh ri ndeh seh, dơi lơh phung tahan Aram jêh ri lơh nkhĭt khân păng âk ngăn.

I Phung Hađăch 20:26

Bôk năm pakơi taơ, Y-Ben-Hadat kơp phung tahan Aram jêh ri hăn hao ma Aphek gay tâm lơh đah phung Israel.

I Phung Hađăch 20:38

Jêh nây nơm mbơh lor nây hăn jêh ri dâk êp kêng meng trong gay kâp hađăch hăn rgăn. Păng sŏk bok nkŭm muh măt gay n'hi săk.

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

I Nau Rêh Jêng 20:1

Lăp yan kao, dôl phung hađăch vay leo phung tahan khăn păng hăn tâm lơh, Y-Jôap leo phung tahan ƀư rai lơi lĕ n'gor Ammôn jêh ri văch tât nchueng jŭm ƀon Raba, Y-Đavit hôm e ta ƀon Yêrusalem. Y-Jôap rduh lơh jêh ri ƀư rai ƀon Raba.

II Nau Rêh Jêng 25:11

Y-Amasia dăng janh njŭn leo phung tahan păng tât rlŭng Boh jêh ri nkhĭt du rmưn nuyh Sêir.

II Nau Rêh Jêng 25:8

Bi tơlah may brơl hăn, nđâp lah may tâm lơh dăng ktang, Brah Ndu mra ƀư đŏng ăn may cha lôt panăp phung rlăng, yorlah Brah Ndu geh nau brah dơi kơl jêh ri nau brah ƀư ăn mâu dơi.”

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 20:18

Yor tă nau tâm nchră, lĕ rngôch nau gŭ mĭn dơi ndâk njêng nâp; Ƀư nau tâm lơh hom đah nau blau mĭn.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 8:9

Ơ phung ƀon lan, ăn khân may tâm gop jêh ri bu mbang rai! Ơ lĕ rngôch bri ngai, rkêng tôr iăt hom! Rêt hom rse bŭt, jêh ri bu dong nchah; Rêt hom rse bŭt, jêh ri bu dong nchah!

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.