I Phung Hađăch 20:21 - Nau Brah Ndu Ngơi 2023

²¹ Hađăch Israel hăn rduh lơh seh jêh ri ndeh seh, dơi lơh phung tahan Aram jêh ri lơh nkhĭt khân păng âk ngăn.

I Phung Hađăch 20:21 ပူးပေါင်းရင်းမြစ်များ

I Phung Hađăch 20:20

Khân păng tâm lơh đah phung rlăng khân păng. Phung Aram nchuăt du, jêh ri phung Israel tĭng rgot khân păng. Y-Ben-Hadat, hađăch Aram, ncho seh nchuăt rklaih ndrel ma bar pe phung tahan ncho seh.

I Phung Hađăch 20:22

Nôk nây, nơm mbơh lor hăn mâp đah hađăch Israel jêh ri lah ma păng: “Hăn hom, ƀư ktang phung tahan may, jêh ri sek uănh ăn nanê̆ moh nau may mra ƀư, yorlah ta năm pakơi taơ hađăch Aram mra plơ̆ tay tâm lơh đah may.”

II Phung Hađăch 3:18

Ƀiălah nau aơ knŏng jêng nau jê̆ tanăp măt Brah Yêhôva. Păng mra jao phung Môap tâm ti khân may tâm ban lĕ.

II Phung Hađăch 3:24

Ƀiălah dôl khân păng hăn tât ta pôih phung tahan Israel, phung Israel dâk, rduh lơh phung Môap, ƀư ăn phung Môap nchuăt du panăp khân păng. Phung tahan hăn lăp tâm n'gor, lơh nkhĭt phung Môap.

Yôsuê 10:20

Tơlah Y-Yôsuê jêh ri phung Israel dơi jêh lơh khân păng kŏ tât pih kloh lĕ khân păng, knŏng hôm đê̆ đă phung tahan nchuăt lăp tâm lĕ ƀon geh mpêr nâp,

Phung Kôranh Phat Dôih 11:33

Y-Jêptê dơi tâm lơh đah khân păng ntơm bơh Arôer tât ma n'gor jŭm Minnit, kŏ tât ma Abel-Kêramim, jêh ri dơi pit bar jât ƀon toyh. Phung ƀon lan Ammôn mâu dơi lơh jêh ri gŭ chŭn tâm dâng phung ƀon lan Israel.

Phung Kôranh Phat Dôih 3:28

Y-Êhut lah ma khân păng pô aơ: “Tĭng ndô̆ hom gâp, yorlah Brah Yêhôva jao jêh phung rlăng khân may jêng phung ƀon lan Môap tâm ti khân may.” Khân păng hăn tĭng păng gay trŭnh pit in lĕ ntŭk neh sơh dak krong Yurdan, jêng trong hăn tât ta Môap jêh ri mâu ăn ôh du huê rgăn dak krong.

I Samuel 17:52

Nôk nây, phung ƀon lan Israel jêh ri Yuđa dâk ma nau troh nter jêh ri hăn tĭng phung tahan Philistin tât ta ƀon Gat jêh ri bôk mpông ƀon Êkron. Săk jăn phung tahan Philistin cha lôt khĭt rŏ trong ntơm bơh Saraim tât Gat jêh ri Êkron.

I Samuel 19:8

Nau tâm lơh ăt hôm ƀaƀơ. Y-Đavit hăn tâm lơh jêh ri tâm lơh đah phung Philistin, ƀư ăn khân păng khĭt âk ngăn, jêh ri khân păng nchuăt du panăp khân păng.