I Phung Hađăch 20:15 - Nau Brah Ndu Ngơi 2023

¹⁵ Y-Ahap kơp tay phung kôranh tâm phung kôranh bôk nkual, geh lĕ rngôch bar rhiăng pe jât ma bar nuyh. Jêh nau nây, hađăch kơp tay lĕ rngôch phung tahan Israel, geh pơh rbăn nuyh.

I Phung Hađăch 20:15 ပူးပေါင်းရင်းမြစ်များ

I Phung Hađăch 19:18

Ƀiălah tâm n'gor Israel, Gâp hŏ prăp ma Gâp pơh rbăn nuyh mâu geh mâp chon ôh kômâk panăp brah Baal, jêh ri trôm mbung khân păng mâu mâp chŭm ôh păng.”

I Phung Hađăch 20:14

Y-Ahap ôp: “Ma mbu nơm mra hăn tâm lơh?” Păng lah: “Brah Yêhôva: ‘Phung kôranh tâm dâng phung kôranh bôk nkual.’” Hađăch Ahap ôp tay: “Mbu nơm ntơm tâm lơh?” Nơm mbơh lor plơ̆ lah: “Hađăch ro yơh!”

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Phung Kôranh Phat Dôih 7:16

Păng tâm pă pe rhiăng nuyh nây jêng pe phung, păng ăn nŭng, jêh ri yăng nsoih ndrel ma ŭnh chai tâm yăng ma ăp nơm.

Phung Kôranh Phat Dôih 7:7

Nôk nây, Brah Yêhôva lah ma Y-Gidêôn: “Gâp mra dŏng pe rhiăng nuyh hŏ huch dak nây gay rklaih khân may, jêh ri Gâp mra jao phung Madian tâm ti may. Bi lĕ rngôch phung êng, plơ̆ sĭt hom ma ngih păng nơm!”

I Samuel 14:2

Nôk nây, Y-Sôl dôl ƀư pôih tahan ta mpâr ƀon Gibêa, tâm dâng tơm play pom gra nat ta Migrôn, jêh ri phung tahan hăn tĭng păng geh tâm prao rhiăng nuyh.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”