I Phung Hađăch 20:12 - Nau Brah Ndu Ngơi 2023

¹² Y-Ben-Hadat dôl gŭ nhêt ndrănh ndrel ma phung hađăch tâm ngih bok, mhe tăng lĕ nau nĕ, ntăm ro ma phung tahan păng nơm: “Nkrĭp dăp tahan!” Khân may nkrĭp dăp tahan ro gay rduh lơh ƀon nây.

I Phung Hađăch 20:12 ပူးပေါင်းရင်းမြစ်များ

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

I Phung Hađăch 16:9

Ƀiălah Y-Simri, oh mon Y-Êla, jêng kôranh chiă uănh toyh du n'gul lĕ rngôch ndeh seh, tâm chră tâm rdâng đah hađăch. Tâm dôl Y-Êla nhêt ndrănh jêh ri nhŭl tâm ngih Y-Arsa, nơm jêng kôranh chiă uănh ngih hađăch ta ƀon Tirsa,

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

Yêrêmi 43:10

Jêh nây may lah ma khân păng: Brah Yêhôva ma phung tahan, Brah Ndu Israel, lah: ‘Aơ, Gâp mra prơh hăn kuăl oh mon Gâp jêng Y-Nêbukatnetsar, hađăch Babilôn, jêh ri Gâp mra ndâk sưng hađăch păng ta klơ lŭ toyh Gâp mhe pôn aơ; păng mra ling bok nchăng ăn gui n'hâm ta klơ.

Daniel 5:2

Dôl nhêt ndrănh, hađăch Belsasar đă bu njŭn ma păng kachok khăl ƀư ma mah jêh ri prăk hađăch Nêbukatnetsar hŏ sŏk jêh bơh ngih brah ta ƀon Yêrusalem, gay ma hađăch jêh ri phung kôranh toyh, phung ur păng jêh ri phung ur yông păng dŏng nhêt ndrănh.

Daniel 5:30

Măng nây ro, bu nkhĭt Belsasar, hađăch phung Kaldê.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.