I Phung Hađăch 20:1 - Nau Brah Ndu Ngơi 2023

¹ Hađăch n'gor Aram jêng Y-Ben-Hadat rgum ndrel lĕ rngôch phung tahan păng. Hađăch ndrel ma pe jât ma bar hađăch êng, geh âk seh jêh ri ndeh seh, hăn hao nchueng jŭm jêh ri rduh lơh Samari.

I Phung Hađăch 20:1 ပူးပေါင်းရင်းမြစ်များ

I Phung Hađăch 15:18

Nôk nây, Y-Asa sŏk lĕ rngôch prăk jêh ri mah hôm e tâm jay ngih Brah Yêhôva jêh ri tâm jay ngih hađăch, jao lĕ rngôch ăn ma phung oh mon păng, jêh nây prơh khân păng hăn mâp đah Y-Ben-Hadat, kon bu klâu Y-Tarimmôn, sau Y-Hêsiôn, hađăch Aram gŭ ta ƀon Damas, lah pô aơ:

I Phung Hađăch 15:20

Y-Ben-Hadat iăt tĭng nau hađăch Asa, prơh phung kôranh tahan păng hăn tâm lơh đah lĕ ƀon phung Israel, pit sŏk ƀon Ijôn, Dan, Abel-Bel-Maka, jêh ri lam lĕ n'gor Chinêrôt jêh ri n'gor Naptali.

I Phung Hađăch 16:24

Păng rvăt gôl yôk Samari bơh Y-Sêmer rnoh prao jât kilô prăk. Ta klơ gôl yôk nây, hađăch ndâk ƀon, ntơ amoh jêng Samari, tĭng nâm amoh nơm tơm gôl nây jêng Y-Sêmer.

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

I Phung Hađăch 20:2

Hađăch prơh phung mbơh hăn mâp đah hađăch Ahap phung Israel gŭ tâm ƀon, jêh ri lah pô aơ: “Y-Ben-Hadat lah kơt aơ:

I Phung Hađăch 20:24

Dăn hađăch ƀư kơt aơ: Tâm rgâl hom phung hađăch ma phung kôranh chiă uănh tahan,

I Phung Hađăch 22:31

Nôk nây, hađăch Aram hŏ ntĭnh jêh ma phung pe jât ma bar nuyh kôranh chiă uănh tahan ƀĭt ndeh seh pô aơ: “Khân may lơi tâm lơh ôh đah bu, nđâp lah phung jê̆ mâu lah phung toyh, ƀiălah knŏng hăn lơh du huê hađăch Israel dơm.”

II Phung Hađăch 6:8

Nôk nây, hađăch Aram tâm lơh đah phung Israel. Hađăch tâm chră ndrel ma phung kôranh tahan păng: “Gâp mra ƀư pôih rmlak ta ntŭk aơ, ta ntŭk ri.”

II Phung Hađăch 8:5

Y-Gêhasi dôl nkoch bri ma hađăch tĭng mâm nau Y-Êlisê hŏ ƀư ăn ma bunuyh khĭt dâk rêh tay, ri, bu ur geh kon bu klâu Y-Êlisê hŏ ƀư dâk rêh tay, văch tât vơl dăn ma hađăch ma nau ngih jêh ri tâm lŏ sre păng. Y-Gêhasi lah ro: “Hơi hađăch jêng kôranh gâp! Aơ jêng du huê bu ur nây, jêh ri aơ jêng kon bu klâu păng Y-Êlisê hŏ ƀư ăn dâk rêh tay.”

Êsra 7:12

“Artasersês, hađăch ma phung hađăch, nchih njuăl ma Y-Êsra, kôranh ƀư brah, jêh ri kôranh nchih samƀŭt, gĭt rbăng âk nau vay Brah Ndu klơ trôk. Ăn may dơi geh nau đăp mpăn ngăn!

Nau Ngluh Êjipt 14:7

Păng djôt prao rhiăng ndeh seh dŭt ueh jêh ri lĕ rngôch ndeh seh êng tâm n'gor Êjipt; ăp ndeh seh geh phung kôranh tahan chiă uănh ncho da dê.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Yêrêmi 49:27

“Gâp mra su ŭnh ta mpêr ƀon Damas, Ŭnh mra sa ngih phung hađăch Y-Ben-Hadat.”

Êsêkiêl 26:7

Yorlah Kôranh Brah Yêhôva lah: ‘Aơ, Gâp mra njŭn leo Nêbukatnetsar, hađăch Babilôn, jêng hađăch ma phung hađăch, nđâp ma phung seh, ndeh seh, phung tahan ncho seh, ndrel ma phung tahan âk râk, ktang tă bơh bri lơ văch tât lơh ƀon Tyre.

Daniel 2:37

Ơ hađăch, may jêng hađăch ma phung hađăch; Brah Ndu klơ trôk ăn jêh ma may ƀon bri hađăch, nau dơi, nau ktang jêh ri nau chrêk rmah.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Amôt 1:4

Gâp mra njuăl ŭnh tât tâm ngih Y-Hasael Gay ma ŭnh sa lĕ pôih nâp Y-Ben-Hadat.

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.

I Samuel 13:5

Rnôk nây, phung Philistin tâm rƀŭn rgum gay tâm lơh đah phung Israel. Khân păng geh pe rmưn ndeh seh, prao rbăn nuyh tahan ncho seh, jêh ri phung tahan âk ngăn nâm bu choih ta kơh dak mƀŭt. Khân păng hăn hao ƀư pôih tahan ta Mikmas, mpeh luh nar Bet-Aven.