I Phung Hađăch 2:9 - Nau Brah Ndu Ngơi 2023

⁹ Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

I Phung Hađăch 2:9 ပူးပေါင်းရင်းမြစ်များ

Nau Ntơm 42:38

Ƀiălah Y-Yakôb lah: “Kon mpŏt gâp mâu mra hăn trŭnh ndrel ma khân may ôh, yorlah nâu păng hŏ khĭt jêh, knŏng hôm du huê păng aơ dơm. Tơlah rŏ trong geh nau mhĭk tât ma păng, khân may ƀư ma bunuyh bôk mbra aơ trŭnh ma ƀon phung khĭt ma nau rngot.”

Nau Ntơm 44:31

pôri mbơ̆ gâp mra khĭt lah păng mâu saơ ndăm jê̆ aơ. Tơlah pônây, phung oh mon may mra ƀư ma mbơ̆ ndra bôk hên, jêng oh mon may đŏng, geh nau rngot hăn jŭr tâm ƀon phung khĭt.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

II Samuel 16:5

Tơlah hađăch Đavit tât ma ƀon Bahurim, geh du huê bunuyh bơh băl mpôl ngih Y-Sôl văch tât, amoh Y-Simei, kon bu klâu Y-Gêra, hăn văch tă bơh ntŭk nây. Păng rak rtăp nkre hăn.

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

I Phung Hađăch 2:6

Yor ri, ƀư tĭng hom nau blau mĭn may tâm nau kan aơ, ƀiălah lơi ta ăn bôk mbra păng hăn trŭnh ƀon phung khĭt tâm nau đăp mpăn.

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

Ndrom Samƀŭt bơh Yôp 9:28

Gâp klach krit lĕ nau nđêh nji, Yorlah gâp gĭt May mâu kơp ôh gâp jêng mâu geh nau tih.

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 22:27

yorlah păng geh knŏng bok nây, jêng ao mbâl gay nkŭm săk jăn păng, moh ndơ păng nsoh dôl păng lâng săk? Tơlah păng kuăl nter ma Gâp, Gâp mra tăng nau păng, yorlah Gâp jêng Nơm geh nau ueh.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.