I Phung Hađăch 2:7 - Nau Brah Ndu Ngơi 2023

⁷ Bi đah phung kon Y-Barsilai, bunuyh Gilêat, may gŭ ngao hom ma nau ueh đah khân păng. Ăn hom ma khân păng sông nsum du sưng n'hanh may, yorlah khân păng hŏ gŭ ndrel gâp nôk gâp nchuăt du bơh Y-Apsalôm, nâu may.

I Phung Hađăch 2:7 ပူးပေါင်းရင်းမြစ်များ

Nau Ntơm 40:14

Ƀiălah nôk lĕ kan may hŏ geh nau ueh jêh, dăn ma may kah gĭt ma gâp, sâm ngơi an ma gâp đah Pharaôn, jêh ri djôt leo gâp luh bơh ntŭk aơ.

II Samuel 19:28

Yorlah lĕ rngôch ngih mbơ̆ gâp knŏng jêng phung bunuyh prăp ma nau khĭt tanăp măt hađăch jêng kôranh gâp dơm, ƀiălah may n'gân dơm oh mon may ndrel ma phung gŭ sông sa ta sưng sông may. Pônây, moh nau dơi êng đŏng gâp hôm geh gay ŭch dăn ma hađăch?”

II Samuel 9:10

Pôri, ăn may ndrel ma phung kon bu klâu jêh ri oh mon may jik kai mir nây ma păng, jêh nây sŏk play kao gay ma kon sau kôranh may dơi geh ndơ sông sa. Bi Y-Mêphibôset, kon sau kôranh may, mra sông sa mro ta sưng sông gâp.” Rnôk nây, Y-Siba geh jât ma prăm nuyh kon bu klâu jêh ri bar jât nuyh oh mon.

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

II Phung Hađăch 25:29

Hađăch Babilôn doh lơi ao ndrung Y-Jêhôjakin jêh ri ăn păng sông sa ta sưng sông hađăch lĕ rnôk rô̆ păng gŭ rêh.

II Phung Hađăch 25:30

Ăp nar, hađăch Babilôn ƀơk pă ƀaƀơ kô̆ ndơ păng sông sa kŏ tât păng khĭt.

Êsra 2:61

Kon sau phung kôranh ƀư brah geh: kon sau Y-Habaya, kon sau Y-Hakôs, jêh ri kon sau Y-Barsilai (nơm nây tâm nsông đah du huê kon bu ur Y-Barsilai, gŭ ta Gilêat, yor ri bu ntơ amoh nây.)

Nau Hôr 27:10

Lơi ta chalơi mĭt jiăng may mâu lah mĭt jiăng mbơ̆ may; Tâm nar uh ah, lơi hăn tât ta ngih oh nâu may, Yor oh nâu gŭ ngai Mâu ban ôh đah oh nâu chiau meng gŭ dăch.

Yêrêmi 52:33

Pônây, Y-Jêhôjakin doh lơi ao ndrung, ăp nar sông sa ndrel ma hađăch du bông nau rêh.

Luka 12:37

Ueh maak yơh ma phung oh mon nây, tơlah kôranh sĭt tât jêh ri saơ khân păng gŭ rngeh! Nanê̆ ngăn, Gâp lah ma khân may, kôranh mra rêt rse bŭt păng nơm, jă phung oh mon gŭ ta sưng sông sa jêh ri văch pah kan ma khân păng.