I Phung Hađăch 2:6 - Nau Brah Ndu Ngơi 2023

⁶ Yor ri, ƀư tĭng hom nau blau mĭn may tâm nau kan aơ, ƀiălah lơi ta ăn bôk mbra păng hăn trŭnh ƀon phung khĭt tâm nau đăp mpăn.

I Phung Hađăch 2:6 ပူးပေါင်းရင်းမြစ်များ

Nau Ntơm 42:38

Ƀiălah Y-Yakôb lah: “Kon mpŏt gâp mâu mra hăn trŭnh ndrel ma khân may ôh, yorlah nâu păng hŏ khĭt jêh, knŏng hôm du huê păng aơ dơm. Tơlah rŏ trong geh nau mhĭk tât ma păng, khân may ƀư ma bunuyh bôk mbra aơ trŭnh ma ƀon phung khĭt ma nau rngot.”

Nau Ntơm 9:5

Nanê̆ Gâp mra sŏk tay mham ma nau rêh khân may. Gâp mra sŏk tay mham nĕ bơh lĕ rngôch mpô mpa jêh ri Gâp mra sŏk tay nau rêh bunuyh tă bơh băl păng, jêng tă bơh ti oh nâu păng.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

I Phung Hađăch 2:7

Bi đah phung kon Y-Barsilai, bunuyh Gilêat, may gŭ ngao hom ma nau ueh đah khân păng. Ăn hom ma khân păng sông nsum du sưng n'hanh may, yorlah khân păng hŏ gŭ ndrel gâp nôk gâp nchuăt du bơh Y-Apsalôm, nâu may.

I Phung Hađăch 2:9

Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

II Phung Hađăch 22:20

Aơ, Gâp mra ăn ma may rgum ndrel ma phung chô yau may, jêh ri bu mra tâp may tâm môch ma nau đăp mpăn. Măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ.’” Khân păng plơ̆ mbơh tay ma hađăch lĕ nau ngơi nây.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nau Hôr 20:26

Hađăch blau mĭn ôp sek phung mhĭk, Jêh ri ăn jâng ndeh njot klơ khân păng.

Nau Hôr 28:17

Phung khan rnon mham ma du huê bunuyh Mra nchuăt du ăn tât khĭt, Lơi ăn bu kơl păng!

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 48:22

Ƀiălah Brah Yêhôva lah: “Mâu geh nau đăp mpăn ôh ma phung ƀai.”

Êsai 57:2

May mra hăn tâm nau đăp mpăn. Mbu nơm rêh tâm nau sŏng Pôri dơi rlu ta klơ sưng bê̆ch păng nơm.

Êsai 57:21

Brah Ndu gâp lah: “Mâu geh nau đăp mpăn ôh ma phung ƀai!”

Êsai 65:20

Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Nau Kơp Bunuyh 35:33

Khân may lơi ƀư ƀơ̆ ôh n'gor khân may mra gŭ. Yorlah mham ƀư ƀơ̆ neh jêh ri mâu geh ôh nau ƀư kloh neh yor mham nkhŭt ta nây, knŏng đah mham nơm hŏ ƀư nkhŭt mham.