I Phung Hađăch 2:37 - Nau Brah Ndu Ngơi 2023

³⁷ Yorlah ăn may gĭt ta nar may du luh tă bơh ntŭk nây jêh ri rgăn dak n'hor Kidrôn, nanê̆ ngăn may mra khĭt. Mham may mra nkhŭt tay ta klơ bôk may.”

I Phung Hađăch 2:37 ပူးပေါင်းရင်းမြစ်များ

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

II Samuel 15:23

Lĕ n'gor bri nhĭm nhhiăng lŭng nter dôl lĕ rngôch phung ƀon lan aơ lĕ hăn jêh. Hađăch rgăn dak n'hor Kidrôn, ndrel ma lĕ rngôch phung ƀon lan tât ta trong rlet bri rdah da dê.

I Phung Hađăch 15:13

Hađăch n'glưh nsot mê̆ hađăch amoh H'Maka jêng hađăch bu ur, yorlah păng geh ndâk du mlâm rup brah Asêra, jêng Brah Yêhôva tâm rmot. Y-Asa ƀư rlâm lơi rup brah păng jêh ri su rup brah nây ta rlŭng Kidrôn.

I Phung Hađăch 2:31

Hađăch lah: “Ƀư hom tĭng nâm nau păng hŏ lah. Nkhĭt hom păng jêh ri tâp. Tâm ban pônây, may mra sŏk lơi bơh gâp jêh ri bơh ngih mbơ̆ gâp mham mâu geh nau tih, yorlah Y-Jôap hŏ ƀư nau pling mham mâu geh nau.

I Phung Hađăch 2:33

Mham khân păng mra nkhŭt tay ta klơ bôk Y-Jôap jêh ri ta klơ bôk phung kon sau păng kŏ tât ƀaƀơ n'ho ro. Bi Y-Đavit jêh ri phung kon sau păng, ma nau chiă uănh jêh ri ma sưng hađăch păng mra dơi đăp mpăn tă bơh Brah Yêhôva mro mrăng.”

I Phung Hađăch 2:38

Y-Simei lah ma hađăch: “Nau may lah jêng di ueh ngăn, hađăch jêng kôranh gâp, moh nau may ntĭm nti oh mon may mra ƀư nau nĕ.” Pônây Y-Sêmei gŭ jŏ nar ta Yêrusalem.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Nau Rêh Jêng 29:16

Phung kôranh ƀư brah lăp tâm trôm jrô ngih Brah Yêhôva gay ƀư kloh, khân păng djôt lĕ rngôch ndơ ƀơ̆ khân păng saơ tâm trôm ngih Brah Yêhôva ngluh mƀăr padih ndring ngih brah, jêh nây phung Lêvi sŏk ndơ nây djôt leo klŭp ta rđŭng Kidrôn.

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Kan Lêvi 20:9

‘Mbu nơm rak rtăp ma mê̆ mbơ̆ păng bu mra nkhĭt lơi păng. Păng hŏ rak rtăp jêh ma mê̆ mbơ̆ păng, mham păng mra nkhŭt tay ta klơ păng nơm.’

Yôhan 18:1

Jêh nau mbơh sơm, Brah Yêsu hăn ndrel ma phung oh mon ta đah ri dak n'hor Kêdrôn; ta nây geh du n'gar, Păng lăp ta nây ndrel ma phung oh mon Păng.

Yôsuê 2:19

Tơlah du huê bunuyh hăn luh tă bơh mpông ngih ay, mham bunuyh nây mra nkhŭt ta klơ păng nơm, bi hên mâu geh nau tih ôh. Ƀiălah mbu nơm lăp ƀư mhĭk ma du huê nơm gŭ ndrel ma ay tâm trôm ngih, mham nơm nây mra nkhŭt ta klơ bôk hên.