I Phung Hađăch 2:35 - Nau Brah Ndu Ngơi 2023

³⁵ Hađăch njêng Y-Bênaya, kon bu klâu Y-Jêhôida, jêng kôranh chiă uănh tahan ntrok ma Y-Jôap, jêh ri hađăch njêng Y-Sadôk jêng kôranh ƀư brah ntrok ma Y-Abiathar.

I Phung Hađăch 2:35 ပူးပေါင်းရင်းမြစ်များ

I Phung Hađăch 1:26

Bi gâp oh mon may, kôranh ƀư brah Y-Sadôk, Y-Bênaya kon bu klâu Y-Jêhôida, jêh ri oh mon hađăch jêng Y-Salômôn, păng mâu jă ôh.

I Phung Hađăch 1:33

Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

I Phung Hađăch 1:38

Pôri kôranh ƀư brah Y-Sadôk hăn trŭnh ta Gihôn ndrel ma nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit. Khân păng chông Y-Salômôn hao ncho seh bri hađăch Đavit jêh ri njŭn leo trŭnh ta dak n'hor Gihôn.

I Phung Hađăch 2:27

Pônây, Y-Salômôn mprơh Y-Abiathar luh, mâu ăn păng kan kôranh ƀư brah tanăp măt Brah Yêhôva đŏng ôh, ƀư ăn nau Brah Yêhôva ngơi jêh ma ngih Y-Êli ta ƀon Silô dơi tât di ngăn.

I Phung Hađăch 4:4

Y-Bênaya, kon bu klâu Y-Jêhôida, kôranh chiă uănh toyh tâm lĕ lĭng tahan; Y-Sadôk jêh ri Y-Abiathar jêng phung kôranh ƀư brah.

I Nau Rêh Jêng 15:11

Y-Đavit kuăl jă phung kôranh ƀư brah Y-Sadôk, Y-Abiathar, jêh ri phung Lêvi jêng Y-Uriêl, Y-Asaya, Y-Yôel, Y-Sêmaya, Y-Êliêl, jêh ri Y-Aminadap.

I Nau Rêh Jêng 24:3

Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

I Nau Rêh Jêng 27:5

Kôranh chiă uănh toyh ma mpôl tahan rơh pe pah kan tâm khay rơh pe jêng Y-Bênaya, kon kôranh ƀư brah Y-Jêhôida. Mpôl tahan păng geh bar rmưn puăn rbăn nuyh tahan.

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

Êsra 7:2

Y-Sêraya, kon bu klâu Y-Asaria; Y-Asaria, kon bu klâu Y-Hilkia, Y-Hilkia, kon bu klâu Y-Salum, Y-Salum, kon bu klâu Y-Sadôk, Y-Sadôk, kon bu klâu Y-Ahitup,

Ndrom Samƀŭt bơh Yôp 34:24

Mâu ŭch ôp sek, Păng ƀư rai phung ktang, Jêh nây njêng bu êng hao ntrok.

Nau Mprơ Ơm 109:8

Ăn lĕ nar păng rêh gleh hŏ, Ăn du huê nơm êng sŏk dơn nau pah kan păng.

Êsêkiêl 40:46

jêh ri jrô rlet mpeh pa lơ prăp ăn ma phung kôranh ƀư brah mât uănh nơng ƀư brah. Nây jêng phung kon bu klâu Y-Sadôk, nây jêng tâm nklang phung kon bu klâu Y-Lêvi văch dăch Brah Yêhôva gay ma pah kan ma Păng.”

Êsêkiêl 43:19

Kôranh Brah Yêhôva lah: ‘Dôl phung kôranh ƀư brah, mpôl Lêvi tâm noi deh Y-Sadôk, văch dăch Gâp, gay pah kan ma Gâp, may jao ăn hom ma khân păng du mlâm ndrôk nkuăng rah gay ma ƀư brah chuai nau tih.

Kôranh Oh Mon 1:20

Tâm ndrom samƀŭt Nau mprơ ơm geh đŏng nchih pô aơ: Ăn ntŭk păng gŭ jêng rngol, ‘Lơi geh bunuyh gŭ ta nây ôh’ jêh ri: ‘Ăn geh du huê nơm êng sŏk dơn nau pah kan păng.’

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.