I Phung Hađăch 2:22 - Nau Brah Ndu Ngơi 2023

²² Ƀiălah hađăch Salômôn plơ̆ lah ma mê̆: “Mâm ƀư mê̆ dăn ăn H'Abisak, bunuyh Sunamit, ma Y-Adônija? Mâm dĭng ay mâu dăn ƀon bri hađăch aơ ăn ma păng, yorlah păng jêng nâu gâp! Mâm dĭng ay mâu dăn ăn păng kôranh ƀư brah Y-Abiathar jêh ri Y-Jôap, phung kon bu klâu H'Sêruya ma păng!”

I Phung Hađăch 2:22 ပူးပေါင်းရင်းမြစ်များ

II Samuel 12:8

Gâp hŏ ăn lĕ ma may ngih kôranh may, jêh ri jao phung ur kôranh may ma ntang ntơh may. Gâp ăn jêh ma may lĕ ngih Israel jêh ri ngih Yuđa; jêh ri tơlah nau nây hôm djê̆ ir, nanê̆ Gâp mra ăn ntop ma may geh âk lơn đŏng.

II Samuel 16:21

Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

I Phung Hađăch 1:11

Nôk nây, Y-Nathan lah ma H'Batsêba, mê̆ Y-Salômôn: “Ay mâu mâp tăng hĕ ma Y-Adônija, kon H'Hagit, lĕ jêng hađăch, ƀiălah Y-Đavit, kôranh he, mâu gĭt ôh nau nây?

I Phung Hađăch 2:15

Păng ngơi: “Nanê̆ ay hŏ gĭt pô aơ ƀon bri hađăch aơ jêng ndơ gâp, jêh ri lĕ rngôch phung Israel gŭ kâp gâp da dê chiă uănh. Ƀiălah ƀon bri hađăch hŏ jêng ndơ oh gâp, yorlah nây jêng nau mĭn ŭch tă bơh Brah Yêhôva.

I Nau Rêh Jêng 3:2

kon rơh pe jêng Y-Apsalôm, mê̆ păng jêng H'Maka, kon bu ur Y-Talmai, hađăch n'gor Gêsur; kon rơh puăn jêng Y-Adônija, mê̆ păng jêng H'Hagit;

I Nau Rêh Jêng 3:5

Aơ jêng phung kon deh ăn Y-Đavit ta ƀon Yêrusalem: Y-Simêa, Y-Sôbap, Y-Nathan, jêh ri Y-Salômôn; puăn nuyh nây bơh H'Batsêba, kon bu ur Y-Amiêl, deh ăn ma Y-Đavit.

Mathay 20:22

Brah Yêsu plơ̆ lah: “Khân may mâu gĭt ôh nau khân may dăn. Khân may klăp lah nhêt kachok Gâp bơi nhêt mâu lah mâu?” Khân păng lah: “Ơ, dơi đŏng.”

Markôs 10:38

Ƀiălah Brah Yêsu lah: “Khân may mâu gĭt ôh moh nau khân may dăn. Khân may dơi nhêt kachok Gâp bơi nhêt, jêh ri dơi dơn nau ƀaptem Gâp dơn mâu lah mâu?”

Yakơ 4:3

Khân may mbơh sơm dăn ƀiălah mâu sŏk dơn ôh, yorlah khân may dăn mbơh sơm đah nau mĭn mhĭk, gay ŭch dŏng ma nglay săk khân may nơm ŭch.