I Phung Hađăch 2:12 - Nau Brah Ndu Ngơi 2023

¹² Y-Salômôn gŭ ta sưng hađăch mbơ̆ păng jêng Y-Đavit, jêh ri ƀon bri hađăch păng nâp ktang.

I Phung Hađăch 2:12 ပူးပေါင်းရင်းမြစ်များ

II Samuel 7:29

Pônây, dăn Kôranh Brah ăn nau ueh uĭn ma oh mon May tâm nau chiă uănh, gay păng dơi gŭ tanăp May mra geh tât ƀaƀơ n'ho ro. Hơi Kôranh Brah Yêhôva, yorlah May nơm hŏ ngơi jêh jêh ri yor nau May yô̆ dĭng nau chiă uănh oh mon May mra geh nau ueh uĭn mro mrăng.”

I Phung Hađăch 1:13

Hăn hom mpơl măt tanăp hađăch Đavit jêh ri lah pô aơ: ‘Hơi hađăch, kôranh gâp! Mâu di hĕ hađăch lĕ sơm ton đah oh mon bu ur may pô aơ: “Kon bu klâu may jêng Y-Salômôn nanê̆ mra chiă uănh thoi ntrok may jêh ri păng mra gŭ ta sưng hađăch gâp?” Pônây, mâm dĭng Y-Adônija ƀư đŏng hađăch?’

I Phung Hađăch 1:30

Di nâm gâp hŏ sŏk amoh Yêhôva Brah Ndu phung Israel sơm ton jêh ma may pô aơ: ‘N'hêl nanê̆ kon bu klâu may jêng Y-Salômôn mra chiă uănh thoi ntrok gâp, păng mra gŭ ta sưng hađăch ntrok gâp’, pônây ro nar aơ, gâp mra ƀư nau nây.”

I Phung Hađăch 1:35

‘Hađăch Salômôn mro mrăng!’ Khân may mra hăn hao tĭng pakơi hađăch, jêh nây hađăch mra văch gŭ ta sưng hađăch gâp, chiă uănh ntrok gâp. Nây jêng nơm gâp hŏ njêng jêh ƀư hađăch phung Israel jêh ri phung Yuđa.”

I Phung Hađăch 1:46

Aƀaơ aơ, Y-Salômôn gŭ jêh ta sưng hađăch.

I Phung Hađăch 2:46

Jêh nây hađăch ntrŭnh nau lah ma Y-Bênaya, kon bu klâu Y-Jêhôida, hăn lơh jêh ri nkhĭt lơi Y-Simei. Pônây, ƀon bri hađăch jêng nâp tâm ti Y-Salômôn.

I Nau Rêh Jêng 23:1

Tơlah Y-Đavit hŏ ranh jêh ri năm jŏ jêh, păng njêng Y-Salômôn, kon bu klâu păng, jêng hađăch chiă uănh phung Israel.

II Nau Rêh Jêng 1:1

Y-Salômôn, kon bu klâu Y-Đavit, djôt nâp nau chiă uănh tâm ƀon bri hađăch păng, yorlah Yêhôva Brah Ndu păng gŭ ndrel ma păng jêh ri ăn păng dơi jêng toyh ngăn ngên.

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”