I Phung Hađăch 19:3 - Nau Brah Ndu Ngơi 2023

³ Y-Êli klach jêh ri dâk nchuăt du gay tâm rklaih nau rêh păng nơm. Tât ta Bêr-Sêba tâm n'gor Yuđa, păng ăn oh mon păng gŭ ta aơ.

I Phung Hađăch 19:3 ပူးပေါင်းရင်းမြစ်များ

Nau Ntơm 21:14

Ang ôi taơ, Y-Abraham dâk ơm ôi, sŏk piăng let jêh ri du nông dak ăn ma H'Agar. Păng dơm lĕ ntil ndơ nây ta klơ săng nglik H'Agar, ăn kon bu klâu ma păng jêh nây đă păng hăn. H'Agar hăn du, nsong blêng tâm bri rdah Bêr-Sêba.

Nau Ntơm 21:31

Yor nây, bu kuăl ntŭk aơ jêng Bêr-Sêba; yor ta ntŭk nây khân păng bar hê lĕ tâm ton ndrel jêh.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

Nau Ngluh Êjipt 2:15

Lah Pharaôn tăng nau nây, păng joi nkhĭt Y-Môis. Ƀiălah Y-Môis du bơh Pharaôn. Păng du ndĕ tâm n'gor Madian jêh ri gŭ êp ta du mlâm ntu dak.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

I Samuel 27:1

Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”

I Samuel 8:2

Amoh kon bôk rah jêng Y-Yôel, kon bu klâu rơh bar jêng Y-Abija; khân păng phat dôih ta Bêr-Sêba.