I Phung Hađăch 19:21 - Nau Brah Ndu Ngơi 2023

²¹ Luh bơh Y-Êli, Y-Êlisê hăn sĭt ngih păng gay nhŭp du gu ndrôk sreh khân păng, jêh ri sŏk kai ƀư long gay gâm puăch ăn lĕ rngôch bunuyh sa. Jêh nây Y-Êlisê dâk hăn tĭng ndô̆ Y-Êli jêh ri pah kan ma păng.

I Phung Hađăch 19:21 ပူးပေါင်းရင်းမြစ်များ

II Samuel 24:22

Y-Arauna lah ma Y-Đavit: “Dăn hađăch jêng kôranh gâp sŏk hom jêh ri nhhơr moh ndơ hađăch mĭn ueh. Aơ geh ndrôk prăp ma ndơ ƀư brah gŭch, lĕ ndơ mprah ba jêh ri mâng mbăk ndrôk dŏng ƀư long.

I Phung Hađăch 18:43

Jêh nây păng lah đah oh mon păng nơm: “Hăn hao hom, uănh mpeh dak mƀŭt.” Nơm oh mon nây hăn hao n'gơr uănh, jêh nây lah: “Mâu geh ndô ndơ ôh.” Y-Êli lah tay: “Hăn hom plơ̆ tay pơh tơ̆ nâm bu pônây.”

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 3:11

Ƀiălah Y-Jôsaphat ôp: “Mâu geh hĕ nơm mbơh lor Brah Yêhôva ta aơ, bơh păng he dơi ôp ma Brah Yêhôva?” Du huê oh mon hađăch Israel plơ̆ lah: “Ta aơ geh Y-Êlisê, kon bu klâu Y-Saphat, jêng nơm hŏ pah kan ma Y-Êli.”

Nau Ngluh Êjipt 24:13

Y-Môis ndrel ma Y-Yôsuê, bunuyh kơl pah kan ma păng, dâk jêh ri Y-Môis hăn hao ta klơ yôk Brah Ndu.

Kôranh Oh Mon 13:5

Tât ta ƀon Salamis, khân păng mbơh nau ngơi Brah Ndu tâm lĕ ngih rƀŭn phung Yuđa; geh đŏng Y-Yôhan kơl kan.

II Timôthê 4:11

Knŏng hôm du huê Y-Luk gŭ ndrel ma gâp. Djôt leo hom Y-Markôs hăn tĭng ndrel ma may, yorlah Y-Markôs jêng khlay ma nau gâp pah kan.

ផីលេមោន 1:13

Gâp ŭch kân bunuyh aơ ndrel ma gâp, gay tâm tang ma may pah kan ma gâp dôl gâp gŭ tâm rse rvăk yor Nau Mhe Mhan Ueh.

I Samuel 6:14

Ndeh nây tât tâm mir Y-Yôsuê, bunuyh Bet-Sêmes, jêh ri nsrŭng tay ta nây. Ta ntŭk nây geh du mlâm lŭ toyh, khân păng rlah tơm si ndeh ƀư long, jêh ri khân păng sŏk bar mlâm ndrôk me ƀư ndơ ƀư brah gŭch nhhơr ma Brah Yêhôva.