I Phung Hađăch 19:19 - Nau Brah Ndu Ngơi 2023

¹⁹ Ntơm bơh nây, Y-Êli luh hăn jêh ri saơ Y-Êlisê, kon bu klâu Y-Saphat, dôl kai mir. Geh jât ma bar gu ndrôk dôl kai panăp Y-Êlisê, jêh ri păng nơm djôt gu ndrôk rơh jât ma bar. Y-Êli hăn rgăn jêh ri mƀăr ao jâr păng nơm ta klơ Y-Êlisê.

I Phung Hađăch 19:19 ပူးပေါင်းရင်းမြစ်များ

I Phung Hađăch 19:13

Tơlah tăng bâr nteh nây, Y-Êli sŏk ao jâr nkŭm ndâp muh măt păng nơm, luh dâk ta bâr trôm nây. Nôk nây, geh bâr ngơi đah păng: “Hơi Y-Êli, moh nau may dôl ƀư ta aơ?”

I Phung Hađăch 19:16

may mra tŏ dak ƀâu kah ma Y-Jêhu đŏng, kon bu klâu Y-Nimsi, ƀư hađăch phung Israel; jêh ri may mra tŏ dak ƀâu kah ma Y-Êlisê, kon bu klâu Y-Saphat, ta Abel-Mêhôla, ƀư nơm mbơh lor ntrok ma may.

II Phung Hađăch 2:8

Y-Êli sŏk ao jâr păng nơm, klôn păng jêh ri dong klơ n'ha dak. Dak krong tâm pă rnglah bar đah ding jêh ri lĕ bar hê hăn rgăn ta neh sơh.

Nau Ngluh Êjipt 3:1

Rnôk nây Y-Môis dôl chiăp biăp Y-Jêtrô, po păng, jêng kôranh ƀư brah n'gor Madian. Păng njŭn leo phung biăp hăn đah ri bri rdah jêh ri tât ta Hôrep jêng yôk Brah Ndu.

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Sakari 13:5

Ƀiălah khân păng mra lah pô aơ: ‘Gâp mâu jêng nơm mbơh lor ôh ƀiălah gâp jêng du huê bunuyh chuar lŏ sre, yorlah gâp hŏ ƀư dĭk ntơm bơh jê̆.’

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.

Phung Kôranh Phat Dôih 6:11

Dôl nôk nây tông mpăr Brah Yêhôva tât gŭ tâm dâng tơm n'ho ta ƀon Ôphra, tơm si nây jêng ndơ Y-Jôas, phung Abiêser. Dôl nây kon bu klâu Y-Jôas jêng Y-Gidêôn gŭ mprah ba ôrgơ ta ntŭk bu păt ndrănh gay der ma phung Madian.

I Samuel 11:5

Nôk nây, Y-Sôl hăn sĭt tă bơh mir, hăn groi pakơi mpôl ndrôk. Păng ôp: “Mâm dĭng phung ƀon lan nhĭm kơt nây?” Bu nkoch tay lĕ nau phung Jabes ngơi jêh.

I Samuel 28:14

Hađăch ôp: “Mâm ay saơ muh măt păng?” Păng lah: “Nây jêng du huê bu klâu bu ranh hăn hao, nsoh du blah ao rjai.” Y-Sôl gĭt nây jêng Y-Samuel yơh, kŭnh bôk ro, chon ta neh jêh ri mbah.