I Phung Hađăch 19:18 - Nau Brah Ndu Ngơi 2023

¹⁸ Ƀiălah tâm n'gor Israel, Gâp hŏ prăp ma Gâp pơh rbăn nuyh mâu geh mâp chon ôh kômâk panăp brah Baal, jêh ri trôm mbung khân păng mâu mâp chŭm ôh păng.”

I Phung Hađăch 19:18 ပူးပေါင်းရင်းမြစ်များ

Ndrom Samƀŭt bơh Yôp 31:27

Tơlah nuih n'hâm gâp geh nau khân păng ndơm, Jêh ri ndop ti gay ŭch yơk mbah ma ndơ nây,

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Daniel 3:18

Ƀiălah tơlah Păng mâu tâm rklaih ôh, pôri dăn hađăch, ăn may gĭt hên mâu pah kan ma phung brah may ôh jêh ri mâu yơk mbah ma rup mah may rdâk jêh.”

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Philip 2:10

Gay nôk tăng ma amoh Brah Yêsu, Lĕ kômâk klơ trôk, tâm neh ntu, tâm dâng neh ntu Chon kômâk da dê,