I Phung Hađăch 19:14 - Nau Brah Ndu Ngơi 2023

¹⁴ Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:14 ပူးပေါင်းရင်းမြစ်များ

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 18:30

Nôk nây, Y-Êli lah ma lĕ rngôch phung ƀon lan: “Văch hom êp gâp.” Lĕ rngôch phung ƀon lan hăn êp păng. Jêh nây Y-Êli nkra tay nơng ƀư brah Brah Yêhôva lĕ rlâm.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Yêrêmi 22:9

Mra geh bunuyh plơ̆ lah: ‘Yorlah phung ƀon lan tâm ƀon nây hŏ chalơi jêh nau tâm rnglăp đah Yêhôva Brah Ndu khân păng, yơk mbah jêh ri rhŏ ma lĕ brah êng.’

Daniel 11:30

Kumpăn bơh n'gor Kitim mra tâm lơh đah păng yor ri păng klach ngăn rŭch plơ̆ jêh ri ji nuih ngăn ƀư nau tâm rdâng đah nau tâm rnglăp kloh ueh. Hađăch nây mra plơ̆ sĭt jêh ri yô̆ ma phung chalơi nau tâm rnglăp kloh ueh.

Daniel 3:18

Ƀiălah tơlah Păng mâu tâm rklaih ôh, pôri dăn hađăch, ăn may gĭt hên mâu pah kan ma phung brah may ôh jêh ri mâu yơk mbah ma rup mah may rdâk jêh.”

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:3

“Ơ Kôranh Brah, khân păng nkhĭt jêh phung nơm mbơh lor May, ƀư rai nơng ƀư brah May; hôm knŏng êng du huê gâp, jêh ri khân păng joi ŭch nkhĭt gâp.”

Nau Vay Nkah Tay 29:25

Bu mra ơh pô aơ: ‘Yorlah khân păng hŏ dun jêh nau tâm rnglăp đah Yêhôva Brah Ndu phung chô yau khân păng ƀư jêh đah khân păng nôk Păng njŭn leo khân păng luh bơh n'gor Êjipt.

Nau Vay Nkah Tay 31:20

Yorlah Gâp mra njŭn phung ƀon lan aơ lăp tâm n'gor Gâp hŏ ton ăn jêh ma phung chô yau khân păng, jêng n'gor bêng ma dak toh jêh ri dak sŭt; ƀiălah tơlah khân păng sa kŏ tât hơm bêng jêh ri lay dăng khân păng mra nchuăt tĭng phung brah êng jêh ri pah kan ma khân păng, mưch ma Gâp jêh ri rlau nau tâm rnglăp đah Gâp.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây: