I Phung Hađăch 19:11 - Nau Brah Ndu Ngơi 2023

¹¹ Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

I Phung Hađăch 19:11 ပူးပေါင်းရင်းမြစ်များ

Ndrom Samƀŭt bơh Yôp 38:1

Rnôk nây, tă tâm nklang phŭt sial vănh blông Brah Ndu plơ̆ lah ma Y-Yôp:

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 68:8

Pôri neh ntu mpât n'gơ, lĕ ndâr trôk nkhŭt dak mih Tanăp măt Brah Ndu, jêng Nơm Sinai, Tanăp măt Brah Ndu, jêng Brah Ndu phung Israel.

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Nau Ngluh Êjipt 19:16

Kêng ôi tâm nar tal pe, geh nglaih jêh ri ndâr tŭk mbâl ta klơ yôk n'ho ma bâr nŭng huy ngăn. Lĕ rngôch phung ƀon lan gŭ tâm ngih bok râm sâr da dê.

Nau Ngluh Êjipt 19:20

Brah Yêhôva jŭr ta klơ n'gơn yôk Sinai. Brah Yêhôva kuăl Y-Môis ăn hao ta n'gơn yôk jêh ri Y-Môis hăn hao.

Nau Ngluh Êjipt 20:18

Nôk lĕ rngôch phung ƀon lan saơ nglaih lơp jêh ri tăng bâr nŭng jêh ri yôk luh nhhŭk ŭnh, phung ƀon lan râm sâr jêh ri dâk gŭ ngai.

Nau Ngluh Êjipt 24:12

Brah Yêhôva lah ma Y-Môis: “Hao hom ta yôk, tât ta Gâp jêh ri gŭ kâp Gâp ta nây. Gâp mra ăn ma may ndap lŭ ta nây Gâp hŏ nchih jêh nau vay jêh ri nau vay ntăm gay nti phung ƀon lan.”

Nau Ngluh Êjipt 24:18

Y-Môis lăp ta nklang ndâr tŭk jêh ri hăn hao klơ yôk. Y-Môis gŭ ta klơ yôk puăn jât nar puăn jât măng.

Nau Ngluh Êjipt 34:2

Ôi taơ, rơm ndrăp hom. Bơh ơm ôi, hao hom yôk Sinai jêh ri dâk tanăp Gâp ta klơ n'gơn yôk nây.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Êsêkiêl 37:7

Pônây, gâp mbơh lor nâm bu Păng hŏ lah jêh. Dôl gâp mbơh lor geh n'găr ktang jêh ri lĕ rngôch nting rgum tay, tâm ntrŭp tay jêng ăp kôp nting ndrăng nting.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Mathay 24:7

Yorlah phung ƀon lan aơ mra dâk tâm rdâng đah phung ƀon lan êng, bri dak tê̆ tâm rdâng đah bri dak ri; geh nau sa sât ji ngot, nau n'găr neh ntu tât geh âk ntŭk.

Mathay 28:2

Ri, nau n'găr neh ntu hâu ngăn, yorlah du huê tông mpăr Kôranh Brah jŭr tă bơh klơ trôk, rlă lŭ jêh ri gŭ ta klơ.

ហេឞ្រើ 12:26

Dôl nây bâr Nơm nây ngơi mpât n'gơ neh ntu, ƀiălah aƀaơ aơ Păng ton pô aơ: “Hôm du tơ̆ đŏng, Gâp mâu mra knŏng ƀư n'găr neh ntu dơm ôh, ƀiălah mra ƀư n'găr trôk đŏng.”

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 16:18

Geh ro lơp nchrat, bâr ngơi, nteh nglaih jêh ri nau n'găr neh ntu ktang; nau n'găr neh ntu ktang kŏ tât ntơm bơh geh kon bunuyh gŭ ta neh ntu ê hŏ geh kơt nây.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

I Samuel 14:15

Nau klach tât tâm lam pôih tahan, tâm mir, jêh ri tâm lĕ phung ƀon lan Philistin. Phung tahan tâm pôih tâm ban đŏng phung tahan hăn lơh ntŭng krit da dê, neh n'gơ n'găr. Nây jêng nau krit toyh ngăn bơh Brah Ndu ƀư.