I Phung Hađăch 19:10 - Nau Brah Ndu Ngơi 2023

¹⁰ Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:10 ပူးပေါင်းရင်းမြစ်များ

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 18:20

Hađăch Ahap prơh bunuyh hăn kuăl rgum lĕ rngôch bunuyh ƀon lan Israel jêh ri phung nơm mbơh lor tât ta yôk Karmel.

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 18:30

Nôk nây, Y-Êli lah ma lĕ rngôch phung ƀon lan: “Văch hom êp gâp.” Lĕ rngôch phung ƀon lan hăn êp păng. Jêh nây Y-Êli nkra tay nơng ƀư brah Brah Yêhôva lĕ rlâm.

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 19:14

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:22

Nôk nây, nơm mbơh lor hăn mâp đah hađăch Israel jêh ri lah ma păng: “Hăn hom, ƀư ktang phung tahan may, jêh ri sek uănh ăn nanê̆ moh nau may mra ƀư, yorlah ta năm pakơi taơ hađăch Aram mra plơ̆ tay tâm lơh đah may.”

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

II Phung Hađăch 10:16

Y-Jêhu lah: “Văch hom ndrel gâp jêh ri uănh nau gâp nsrôih nsram ma Brah Yêhôva.” Pôri khân păng hăn ndrel hao ncho klơ ndeh seh Y-Jêhu.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Mprơ Ơm 119:126

Tât jêh mông Brah Yêhôva pah kan, Yorlah kon bunuyh hŏ rlau jêh nau vay May.

Nau Mprơ Ơm 119:139

Nuih n'hâm duh nđơr ƀư hŭch gâp, Yorlah phung tŭn jot gâp hŏ chuêl jêh nau May ngơi.

Nau Mprơ Ơm 119:26

Gâp mbơh jêh trong gâp ma May, jêh ri May lŏ plơ̆ lah jêh ma gâp; Sâm nti an nau vay dăp May ma gâp.

Nau Mprơ Ơm 69:9

Yorlah nau duh nđơr ma Ngih May su lơi gâp, Nau bêk prêng phung bêk prêng May hŏ nkhŭt jêh tâm gâp.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 34:14

Lơi yơk mbah ôh ma brah êng, yorlah Brah Yêhôva, amoh Păng jêng Nơm blau ntôn; nanê̆ Păng jêng Brah Ndu blau ntôn.

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 36:26

Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Nau Kơp Bunuyh 25:11

“Y-Phinêas, kon bu klâu Y-Êlêasar, sau kôranh ƀư brah Y-Arôn, hŏ ƀư roh jêh nau ji nuih Gâp ma phung ƀon lan Israel, yorlah ta nklang khân păng, păng geh nuih n'hâm duh nđơr Gâp gay tâm rdâng đah tih nau văng tĭr; tă bơh nĕ, Gâp mâu ƀư rai ôh phung ƀon lan Israel tâm nau blau ntôn.

Nau Kơp Bunuyh 25:13

Păng jêh ri ma noi deh păng mra dơn nau tâm rnglăp ma kan kôranh ƀư brah n'ho ro, yorlah păng geh nuih n'hâm nau duh nđơr yor Brah Ndu păng nơm jêh ri hŏ chuai nau tih ma phung ƀon lan Israel.’”

Yôhan 2:17

Phung oh mon Păng kah gĭt tay nau hŏ nchih jêh: “Nuih n'hâm duh nđơr ma ngih Kôranh Brah su gâp.”

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.