I Phung Hađăch 18:43 - Nau Brah Ndu Ngơi 2023

⁴³ Jêh nây păng lah đah oh mon păng nơm: “Hăn hao hom, uănh mpeh dak mƀŭt.” Nơm oh mon nây hăn hao n'gơr uănh, jêh nây lah: “Mâu geh ndô ndơ ôh.” Y-Êli lah tay: “Hăn hom plơ̆ tay pơh tơ̆ nâm bu pônây.”

I Phung Hađăch 18:43 ပူးပေါင်းရင်းမြစ်များ

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

I Phung Hađăch 18:42

Hađăch Ahap hăn hao sông sa nhêt. Ƀiălah Y-Êli hăn hao ta klơ n'gơn yôk Karmel, chon mon ta neh jêh ri nkŭp muh măt păng nơm vah vang bar đah kômâk păng.

I Phung Hađăch 18:44

Kŏ tât tơ̆ rơh pơh, nơm oh mon nây lah: “Ri, ntơm bơh mpeh dak mƀŭt geh du ndâr tŭk jê̆ luh tâm ban mpang ti.” Y-Êli lah tay: “Hăn hom lah ma Y-Ahap pô aơ: ‘Nkra ndeh seh hađăch jêh ri hăn trŭnh hom, klach lah mih ban may.’”

II Phung Hađăch 4:35

Y-Êlisê chuat jŭr, hăn rsong dâng lơ tâm trôm jrô; jêh nây hao đŏng klơ sưng bê̆ch, dop klơ kon se jê̆ du tơ̆ đŏng. Nglĕ dŭt, kon se jê̆ si đah pơh tơ̆, jêh ri păng lin măt.

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Yôsuê 6:4

Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.