I Phung Hađăch 18:42 - Nau Brah Ndu Ngơi 2023

⁴² Hađăch Ahap hăn hao sông sa nhêt. Ƀiălah Y-Êli hăn hao ta klơ n'gơn yôk Karmel, chon mon ta neh jêh ri nkŭp muh măt păng nơm vah vang bar đah kômâk păng.

I Phung Hađăch 18:42 ပူးပေါင်းရင်းမြစ်များ

Nau Ntơm 24:52

Mhe tăng nau khân păng ngơi, oh mon Y-Abraham chon mon mbah ma Brah Yêhôva.

II Samuel 12:16

Yor ma kon Y-Đavit mbơh sơm ma Brah Ndu, hađăch ver ât sông sa jêh ri lăp tâm jrô kuen ta neh du năng kŏ ang.

I Phung Hađăch 18:41

Y-Êli lah ma Y-Ahap: “Jă hađăch hăn hao jêh ri sông sa nhêt, yorlah gâp lĕ tăng jêh nteh tŭp mih.”

I Phung Hađăch 18:43

Jêh nây păng lah đah oh mon păng nơm: “Hăn hao hom, uănh mpeh dak mƀŭt.” Nơm oh mon nây hăn hao n'gơr uănh, jêh nây lah: “Mâu geh ndô ndơ ôh.” Y-Êli lah tay: “Hăn hom plơ̆ tay pơh tơ̆ nâm bu pônây.”

I Phung Hađăch 19:13

Tơlah tăng bâr nteh nây, Y-Êli sŏk ao jâr nkŭm ndâp muh măt păng nơm, luh dâk ta bâr trôm nây. Nôk nây, geh bâr ngơi đah păng: “Hơi Y-Êli, moh nau may dôl ƀư ta aơ?”

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Ndrom Samƀŭt bơh Yôp 37:11

Păng prăp n'hôl dak tâm tŭk krăk, Dŏng tŭk ăn bra nau lơp nglaih bơh Păng.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Êsai 38:2

Y-Hêsêkia rle măt păng mpeh ta mpir jêh ri mbơh sơm ma Brah Yêhôva:

Êsai 6:2

Phung sêraphim dâk pah kan jŭm Păng. Ăp nơm khân păng geh prao plơp năr, bar plơp nkŭm muh măt, bar plơp nkŭm jâng jêh ri bar plơp prăp mpăr.

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Mathay 14:23

Nôk phung ƀon lan plơ̆ sĭt jêh, Păng hăn hao yôk êng du huê Păng gay mbơh sơm. Tât măng ngo, Păng gŭ êng du huê ta nây.

Markôs 14:35

Hăn tay ngai đê̆, Păng chon mon ta neh jêh ri mbơh sơm, gay tơlah dơi dăn mông aơ mâu tât ôh ma Păng.

Luka 6:12

Tâm lĕ nar nây, Brah Yêsu hăn hao klơ yôk gay mbơh sơm; Păng rngeh lĕ du măng gay mbơh sơm ma Brah Ndu.

Kôranh Oh Mon 10:9

Ôi taơ, tâm nôk pe bunuyh nây hăn trong, dăch tât ta ƀon, ri mơ Y-Pêtrôs hao ta klơ chor ngih gay mbơh sơm, nôk nây, di tâm nar nklang bôk.

Yôsuê 7:6

Y-Yôsuê nkhêk ao păng nơm jêh ri nđâp ma phung bu ranh Israel păn muh măt ta neh panăp Hip Nau Tâm Rnglăp Brah Yêhôva kŏ tât kêng măng jêh ri sui neh muy ta klơ bôk khân păng nơm.

I Samuel 12:18

Jêh nây Y-Samuel vơl dăn ma Brah Yêhôva. Tâm nar nây, Brah Yêhôva ƀư lơp nglaih jêh ri dak mih. Lĕ rngôch phung ƀon lan klach yơk ngăn ma Brah Yêhôva jêh ri ma Y-Samuel.