I Phung Hađăch 18:38 - Nau Brah Ndu Ngơi 2023

³⁸ Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

I Phung Hađăch 18:38 ပူးပေါင်းရင်းမြစ်များ

Nau Ntơm 15:17

Nôk nar lĕ nhâp jêh ri nau ngo nkŭm, ri, geh du mlâm ŭnh năk dôl luh nhhŭk jêh ri geh ŭnh rdo hit ngăn hăn rgăn ta klang puăch mpa hŏ blah bar buh nây.

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:35

Dak lêng văr jŭm nơng ƀư brah kŏ tât bêng lĕ n'hor nây đŏng.

I Phung Hađăch 18:37

Hơi Brah Yêhôva! Dăn dơn nau gâp, dăn plơ̆ lah ma gâp, gay ma phung ƀon lan aơ dơi gĭt ngăn Brah Yêhôva jêng Brah Ndu, jêh ri May ƀư ăn nuih n'hâm khân păng plơ̆ sĭt tay đŏng.”

II Phung Hađăch 1:12

Ƀiălah Y-Êli plơ̆ lah: “Tơlah gâp jêng bunuyh Brah Ndu, dăn ŭnh tă bơh trôk su may ndrel ma prăm jât nuyh tahan may!” Ŭnh Brah Ndu tă bơh trôk ro su kôranh nây jêh ri phung prăm jât bunuyh tahan păng.

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

Ndrom Samƀŭt bơh Yôp 1:16

Bunuyh aơ dôl hôm ngơi, du huê bunuyh êng văch mbơh: “Ŭnh Brah Ndu tă bơh klơ trôk jŭr su lĕ phung biăp jêh ri phung oh mon, hôm e du huê gâp klaih nchuăt sĭt mbơh nau ma may.”

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Kan Lêvi 10:1

Bar hê kon bu klâu Y-Arôn jêng Y-Nadap jêh ri Y-Abihu, ăp nơm khân păng djôt khăl gŭch ƀâu kah, dơm ŭnh rnga tâm păng jêh nây dơm ndơ ƀâu kah ta klơ jêh ri nhhơr du ntil ŭnh êng tanăp Brah Yêhôva, jêng nau Brah Yêhôva mâu mâp ntăm ôh ma khân păng.

Kan Lêvi 10:2

Du chiông ŭnh luh tă bơh tanăp Brah Yêhôva su bar hê nây; khân păng khĭt tanăp Brah Yêhôva.

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Nau Tâm Mpơl 13:13

Păng ƀư âk nau mbên khlay toyh, kŏ tât ƀư ăn ŭnh tă bơh trôk tŭp jŭr ta neh ntu tanăp lĕ rngôch bunuyh.

Phung Kôranh Phat Dôih 6:21

Nôk nây, tông mpăr Brah Yêhôva djôt mâng jra ta ti, nđĭl chiông mâng ta puăch jêh ri ta piăng let mâu geh ndrui. Geh ŭnh hit tă bơh lŭ su puăch jêh ri piăng let mâu geh ndrui. Jêh nây tông mpăr Brah Yêhôva du roh tanăp măt păng.