I Phung Hađăch 18:37 - Nau Brah Ndu Ngơi 2023

³⁷ Hơi Brah Yêhôva! Dăn dơn nau gâp, dăn plơ̆ lah ma gâp, gay ma phung ƀon lan aơ dơi gĭt ngăn Brah Yêhôva jêng Brah Ndu, jêh ri May ƀư ăn nuih n'hâm khân păng plơ̆ sĭt tay đŏng.”

I Phung Hađăch 18:37 ပူးပေါင်းရင်းမြစ်များ

Nau Ntơm 32:24

Tâm nôk Y-Yakôb gŭ êng păng geh du huê bunuyh tâm nhăt đah păng kŏ tât phit ang.

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

I Phung Hađăch 18:36

Tât jêh mông nhhơr ndơ ƀư brah rnih môi kêng mhaơ, nơm mbơh lor Y-Êli văch dăch jêh ri mbơh sơm pô aơ: “Hơi Yêhôva Brah Ndu Y-Abraham, Y-Isăk jêh ri Y-Israel. Nar aơ ăn lĕ rngôch bunuyh gĭt pô aơ tâm phung Israel May jêng Brah Ndu, gâp jêng oh mon May, jêh ri gâp tông bâr May gay ƀư lĕ rngôch nau aơ.

I Phung Hađăch 18:38

Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 109:27

Gay ma khân păng gĭt aơ jêng ti Brah Yêhôva; May yơh hŏ ƀư nau nây.

Luka 11:8

Gâp đă khân may, nđâp tơlah bunuyh nây mâu yor rŏng mĭt jiăng păng dâk sŏk piăng let ăn ma mĭt jiăng, ƀiălah yor mĭt jiăng ăt sŏl dăn mro, yor ri bunuyh nây dâk hăn jêh ri ăn mĭt jiăng tŏng ndơ ŭch dŏng.

I Samuel 17:46

Nar aơ Brah Yêhôva mra jao may tâm ti gâp. Gâp nkhĭt may, koh bôk may; jêh ri lĕ săk jăn phung tahan Philistin khĭt mra ƀư mpa sa ma sĭm klơ trôk jêh ri ma mpô mpa bri. Lĕ rngôch neh ntu mra dơi gĭt geh du huê Brah Ndu tâm Israel,