I Phung Hađăch 18:36 - Nau Brah Ndu Ngơi 2023

³⁶ Tât jêh mông nhhơr ndơ ƀư brah rnih môi kêng mhaơ, nơm mbơh lor Y-Êli văch dăch jêh ri mbơh sơm pô aơ: “Hơi Yêhôva Brah Ndu Y-Abraham, Y-Isăk jêh ri Y-Israel. Nar aơ ăn lĕ rngôch bunuyh gĭt pô aơ tâm phung Israel May jêng Brah Ndu, gâp jêng oh mon May, jêh ri gâp tông bâr May gay ƀư lĕ rngôch nau aơ.

I Phung Hađăch 18:36 ပူးပေါင်းရင်းမြစ်များ

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 31:53

Dăn Brah Ndu Y-Abraham jêh ri Brah Ndu Y-Nahôr phat dôih ta nklang ndrăng he!” Y-Yakôb tâm amoh Nơm mbơ̆ păng jêng Y-Isăk klach yơk jêh ri păng ton,

Nau Ntơm 32:9

Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

Nau Ntơm 46:3

Brah Ndu lah: “Gâp jêng Brah Ndu, Brah Ndu mbơ̆ may. Lơi klach ôh dôl hăn trŭnh ta Êjipt, yorlah ta nây Gâp mra ƀư ma may jêng du mpôl băl toyh.

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

I Phung Hađăch 18:35

Dak lêng văr jŭm nơng ƀư brah kŏ tât bêng lĕ n'hor nây đŏng.

I Phung Hađăch 18:37

Hơi Brah Yêhôva! Dăn dơn nau gâp, dăn plơ̆ lah ma gâp, gay ma phung ƀon lan aơ dơi gĭt ngăn Brah Yêhôva jêng Brah Ndu, jêh ri May ƀư ăn nuih n'hâm khân păng plơ̆ sĭt tay đŏng.”

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

I Phung Hađăch 22:28

Y-Mika lah: “Tơlah hađăch plơ̆ sĭt đăp mpăn pôri Brah Yêhôva mâu lah ma bâr mbung gâp ôh.” Păng lah đŏng: “Lĕ rngôch bunuyh iăt hom lĕ nau gâp mhe lah!”

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

II Phung Hađăch 1:10

Ƀiălah Y-Êli plơ̆ lah ma kôranh ma prăm jât nuyh tahan: “Tơlah gâp jêng bunuyh Brah Ndu, dăn ŭnh tă bơh trôk jŭr su may ndrel ma prăm jât bunuyh tahan may!” Ŭnh tă bơh trôk ro su kôranh nây jêh ri prăm jât bunuyh tahan păng.

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Phung Hađăch 1:6

Khân păng plơ̆ lah: “Geh du huê bunuyh hăn hao, tâm mâp đah hên jêh ri lah: ‘Plơ̆ sĭt hom ma hađăch nơm hŏ prơh khân may hăn jêh ri lah ma hađăch pô aơ Brah Yêhôva lah: Tâm phung Israel mâu hĕ geh Brah Ndu kŏ tât may prơh nơm mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’”

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

II Phung Hađăch 20:11

Jêh ri Y-Êsai nơm mbơh lor vơh vơl ma Brah Yêhôva; jêh ri Brah Yêhôva mplơ̆ gui rŭch pakơi jât nhuat, ma nau nây nar rŭch plơ̆ pakơi ta mông Y-Ahas.

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

II Phung Hađăch 5:8

Tơlah Y-Êlisê, bunuyh Brah Ndu, tăng lư ma hađăch Israel hŏ nkhêk jêh ao păng, păng prơh bunuyh hăn lah ma hađăch: “Mâm ƀư may nkhêk ao may? Lah hom Y-Naaman văch ma gâp, gay ma păng mra gĭt tâm n'gor Israel geh du huê nơm mbơh lor.”

I Nau Rêh Jêng 29:18

Hơi Yêhôva Brah Ndu phung chô yau hên jêng Y-Abraham, Y-Isăk, jêh ri Y-Israel! Dăn ăn ma phung ƀon lan May djôt prăp mro nau ton jêh ri nau mĭn nây tâm nuih n'hâm, jêh ri ăn ma nuih n'hâm khân păng gŭ mpeh ma May.

II Nau Rêh Jêng 30:6

Tĭng nau hađăch ntrŭnh, phung njŭn samƀŭt hađăch jêh ri phung kôranh hăn lam n'gor bri Israel jêh ri n'gor Yuđa. Samƀŭt kuăl: “Ơ phung kon sau Israel, plơ̆ sĭt hom ma Yêhôva Brah Ndu Y-Abraham, Y-Isăk jêh ri Israel, gay ma Păng plơ̆ sĭt tay ma phung hôm e klen tâm khân may, jêng phung dơi klaih jêh tă bơh phung hađăch Asiri.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 4:5

Brah Yêhôva lah: “Nau nây gay ma khân păng rnơm ma Brah Yêhôva, Brah Ndu chô yau khân păng, jêng Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma may.”

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Daniel 9:21

Tơlah gâp dôl nhhơr nau mbơh sơm, pôri Gabriel, nơm gâp saơ jêh tâm nau tâm saơ lor lơn, mpăr ngăch văch ta gâp ta mông bu nhhơr mpa ƀư brah ta mhaơ.

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Yôhan 11:42

Gâp gĭt lĕ Mbơ̆ dơn nau Gâp ƀaƀơ, ƀiălah Gâp lah nau aơ yorlah geh âk ngăn bunuyh gŭ jŭm ta aơ, gay ma khân păng chroh ma Mbơ̆ hŏ njuăl Gâp văch.”

Kôranh Oh Mon 10:30

Y-Kôrnei plơ̆ lah: “Puăn nar pa năp aơ dơh, klăp lah mông aơ, jêng pe mông mhaơ, dôl gâp mbơh sơm tâm ngih gâp, ƀât lât geh du huê bunuyh nsoh ao rmah ƀlĭp tâm mpơl tanăp gâp

Kôranh Oh Mon 3:1

Rnôk nây, Y-Pêtrôs jêh ri Y-Yôhan hăn ta ngih brah ta mông mbơh sơm pe mông mhaơ.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 3:14

Yor nau nây yơh, gâp chon kômâk tanăp Mbơ̆;