I Phung Hađăch 18:31 - Nau Brah Ndu Ngơi 2023

³¹ Y-Êli sŏk jât ma bar mlâm lŭ, tĭng nâm rnoh jât ma bar ndŭl mpôl phung kon bu klâu Y-Yakôb, jêng nơm Brah Yêhôva hŏ ngơi pô aơ: “Y-Israel mra jêng amoh săk may.”

I Phung Hađăch 18:31 ပူးပေါင်းရင်းမြစ်များ

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 32:29

Y-Yakôb ôp: “Dăn ăn gâp gĭt amoh May.” Bunuyh nây ơh: “Mâm ƀư may ôp amoh gâp?” Jêh nĕ bunuyh nây ăn nau ueh uĭn ma Y-Yakôb ta nây ro.

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 35:10

Brah Ndu lah: “Moh săk may jêng Y-Yakôb, ƀiălah may mâu dơi kuăl Y-Yakôb đŏng ôh, ƀiălah amoh may mra jêng Y-Israel.” Jêh nây Brah Ndu ntơ amoh păng Y-Israel.

II Phung Hađăch 17:34

Ma tât nar aơ, khân păng ăt hôm ƀư tĭng nâm nau vay saơm khân păng. Khân păng mâu klach yơk ôh ma Brah Yêhôva, mâu đŏng ƀư tĭng ndô̆ nau vay dăp, nau vay ƀư, nau vay, mâu lah nau vay Brah Yêhôva ntăm, hŏ ntăm jêh ma phung kon sau Y-Yakôb, nơm Păng ntơ amoh jêng Israel.

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Nau Ngluh Êjipt 24:4

Y-Môis nchih tay lĕ nau ngơi Brah Yêhôva. Păng dâk ơm ôi, ndâk du mlâm nơng ƀư brah ta jâng yôk jêh ri ndâk jât ma bar n'gâng lŭ tâm ban ma jât ma bar ndŭl mpôl phung Israel.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Êsêkiêl 47:13

Kôranh Brah Yêhôva lah: “Aơ jêng n'har n'gor bri neh khân may mra tâm pă ăn ma jât ma bar ndŭl mpôl phung Israel ƀư drăp ndơn. Y-Yôsep mra geh bar kô̆.

Êphêsô 2:20

bu ndâk njêng khân may klơ mbon phung kôranh oh mon jêh ri phung nơm mbơh lor jêh ri Brah Yêsu Krist yơh jêng lŭ njônh ngih.

Yôsuê 4:20

Y-Yôsuê ndâk ta Gilgal jât ma bar mlâm lŭ khân păng sŏk tă tâm dâng dak krong Yurdan.

Nau Tâm Mpơl 21:12

Ƀon geh mpêr toyh jêh ri prêh, geh jât ma bar mpông. Ta lĕ mpông geh jât ma bar tông mpăr, jêh ri ta klơ lĕ mpông nây geh nchih amoh jât ma bar ndŭl mpôl phung Israel.