I Phung Hađăch 18:30 - Nau Brah Ndu Ngơi 2023

³⁰ Nôk nây, Y-Êli lah ma lĕ rngôch phung ƀon lan: “Văch hom êp gâp.” Lĕ rngôch phung ƀon lan hăn êp păng. Jêh nây Y-Êli nkra tay nơng ƀư brah Brah Yêhôva lĕ rlâm.

I Phung Hađăch 18:30 ပူးပေါင်းရင်းမြစ်များ

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:14

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

II Nau Rêh Jêng 33:16

Jêh nây, păng nkra tay nơng ƀư brah ma Brah Yêhôva, păng nhhơr ndơ ƀư brah ma nau đăp mpăn jêh ri ndơ ƀư brah tâm rnê lah ueh ta nây; jêh ri păng ntĭnh ma phung Yuđa pah kan ma Yêhôva Brah Ndu Israel.

Samƀŭt Pôl Njuăl Ăn Ma Phung Nsing Ta Ƀon Rôm 11:3

“Ơ Kôranh Brah, khân păng nkhĭt jêh phung nơm mbơh lor May, ƀư rai nơng ƀư brah May; hôm knŏng êng du huê gâp, jêh ri khân păng joi ŭch nkhĭt gâp.”