I Phung Hađăch 18:29 - Nau Brah Ndu Ngơi 2023

²⁹ Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

I Phung Hađăch 18:29 ပူးပေါင်းရင်းမြစ်များ

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:36

Tât jêh mông nhhơr ndơ ƀư brah rnih môi kêng mhaơ, nơm mbơh lor Y-Êli văch dăch jêh ri mbơh sơm pô aơ: “Hơi Yêhôva Brah Ndu Y-Abraham, Y-Isăk jêh ri Y-Israel. Nar aơ ăn lĕ rngôch bunuyh gĭt pô aơ tâm phung Israel May jêng Brah Ndu, gâp jêng oh mon May, jêh ri gâp tông bâr May gay ƀư lĕ rngôch nau aơ.

I Phung Hađăch 22:10

Nôk nây, hađăch Israel jêh ri Y-Jôsaphat, hađăch Yuđa, ăp nơm nsoh ao jâr hađăch da dê jêh ri gŭ ta sưng hađăch tâm ntŭk mprah ba, ntŭk lăp mpông ƀon Samari. Lĕ rngôch phung nơm mbơh lor ngơi nau mbơh lor panăp bar hê hađăch.

I Phung Hađăch 22:12

Lĕ rngôch nơm mbơh lor lah kơt nĕ da dê. Khân păng: “Hăn tâm lơh hom đah Ramôt-Gilêat, hađăch mra dơi, yorlah Brah Yêhôva mra jao ƀon nây tâm ti hađăch.”

Nau Mprơ Ơm 115:4

Bi rup brah khân păng ƀư ma prăk jêh ri mah, Jêng kan bơh ti bunuyh ƀư.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Ngluh Êjipt 29:39

du mlâm kon biăp nôk ôi jêh ri du mlâm nôk kêng măng.

Nau Ngluh Êjipt 29:41

Ma kon biăp tal bar, ăn may nhhơr nôk kêng măng nđâp ma ndơ ƀư brah rnih môi jêh ri ndơ nhhơr nhêt tâm ban ma ndơ ƀư brah ta ôi. Nây jêng ndơ ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Nau Ngluh Êjipt 8:14

Bu bun phung kĭt jêng âk mbŭch, lam n'gor n'hôl ƀâu ôm.

Êsai 16:12

Nôk nây, nđâp lah phung Môap hŏt rgănh hăn ta ntŭk prêh, Lăp tâm ntŭk ngih mbah păng gay mbơh sơm, ăt jêng dơm dam!

Êsai 46:7

Khân păng tuy rup nây ta săng nglik, jêh ri djôt, Dơm rup nây ta ntŭk păng, jêh ri păng gŭ dâk ta nây; Păng mâu mpât du bơh ntŭk păng ôh. Tơlah bu nter ma păng, păng mâu dơi plơ̆ lah ôh, Jêh ri mâu lĕ dơi rklaih khân păng bơh nau tât.”

Daniel 9:21

Tơlah gâp dôl nhhơr nau mbơh sơm, pôri Gabriel, nơm gâp saơ jêh tâm nau tâm saơ lor lơn, mpăr ngăch văch ta gâp ta mông bu nhhơr mpa ƀư brah ta mhaơ.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.

I Samuel 18:10

Ôi taơ, Brah Ndu prơh du huê brah mhĭk tât ma Y-Sôl, păng ngơi thăm rmat tâm ngih, bi Y-Đavit ăt kreh gong rêng nâm vay ƀư jêh ăp nar. Y-Sôl djôt du tak tâm ti,