I Phung Hađăch 18:26 - Nau Brah Ndu Ngơi 2023

²⁶ Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:26 ပူးပေါင်းရင်းမြစ်များ

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:25

Y-Êli ngơi lah ma phung nơm mbơh lor Baal: “Săch hom du mlâm ndrôk nkuăng jêh ri sreh păng lor, yorlah khân may jêng âk. Jêh nây kuăl amoh brah khân may, ƀiălah lơi ta ăn ŭnh ôh ta nây.”

I Phung Hađăch 18:27

Ta nklang bôk nar, Y-Êli mưch ma khân păng pô aơ: “Nter ăn huy hom, yorlah Baal jêng du huê brah! Klăp lah brah hôm dôl gŭ mĭn, mâu lah păng hôm e ngai, mâu lah dôl hăn njŏ trong, mâu lah păng hôm e bê̆ch jêh ri pônây rlay hom păng!”

Nau Ngluh Êjipt 8:14

Bu bun phung kĭt jêng âk mbŭch, lam n'gor n'hôl ƀâu ôm.

Êsai 37:38

Du nar, nôk hađăch Sênakêrip dôl chon mon mbah brah păng nơm tâm ngih brah Nirok, phung kon bu klâu hađăch jêng Y-Adramêlek jêh ri Y-Sarêser sŏk đao nkhĭt hađăch, jêh nây hăn du rlet n'gor Ararat. Kon hađăch jêng Y-Êsarhadôn chiă uănh thoi ntrok păng.

Êsai 44:17

Gâl si hôm e, bu ƀư du mlâm brah, nâm bu ntĭt du rup trah ma păng nơm, jêh nây chon mon tanăp măt păng gay yơk mbah jêh ri kuăl mbơh sơm ma păng pô aơ: “Tâm rklaih hom gâp, yorlah may jêng brah gâp!”

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 46:7

Khân păng tuy rup nây ta săng nglik, jêh ri djôt, Dơm rup nây ta ntŭk păng, jêh ri păng gŭ dâk ta nây; Păng mâu mpât du bơh ntŭk păng ôh. Tơlah bu nter ma păng, păng mâu dơi plơ̆ lah ôh, Jêh ri mâu lĕ dơi rklaih khân păng bơh nau tât.”

Yêrêmi 10:5

Lĕ rup brah nây nâm bu pla mut tâm lĕ mir rpŭng, Mâu blau ngơi, Mâu blau hăn, bu mra tung. Lơi klach ôh khân păng, Yorlah khân păng mâu dơi srih nau mhĭk mâu lah dơi ăn nau ueh uĭn ôh.”

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Yônais 1:5

Phung ƀĭt kumpăn klach da dê, ăp nơm kuăl ma brah khân păng nơm. Jêh ri khân păng mƀăr lơi ndô ndơ tâm kumpăn tâm dak mƀŭt gay ma n'gơch kumpăn. Ƀiălah Y-Yôna trŭnh hăn jêh tâm trôm blat kumpăn lâng săk jêh ri hăk bê̆ch.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Habakuk 2:19

Rêh ni ngăn ma nơm ngơi đah tơm si pô aơ: ‘Kah rngăl hom!’ Jêh ri ngơi đah lŭ mlo pô aơ: ‘Dâk hom may!’ Păng dơi ntĭm nti đŏng? Aơ, păng dơi mblum ma mah jêh ri prăk, Ƀiălah tâm păng mâu geh djê̆ ro n'hâm nsôr.

Sôphôni 1:9

Ta nar nây tâm ban lĕ, Gâp mra tâm rmal Lĕ rngôch phung nsăt rlau mbong vâl, Jêh ri phung ƀư ma ngih kôranh khân păng Bêng ma nau djơh mhĭk jêh ri nau ndơm.”

Mathay 6:7

Tơlah khân may mbơh sơm, lơi răk rlŏk ƀaƀơ ôh du ntil nau nây nâm bu phung padih; yorlah khân păng mĭn tơlah ngơi âk ri mơ Brah Ndu mra dơn.

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.