I Phung Hađăch 18:25 - Nau Brah Ndu Ngơi 2023

²⁵ Y-Êli ngơi lah ma phung nơm mbơh lor Baal: “Săch hom du mlâm ndrôk nkuăng jêh ri sreh păng lor, yorlah khân may jêng âk. Jêh nây kuăl amoh brah khân may, ƀiălah lơi ta ăn ŭnh ôh ta nây.”

I Phung Hađăch 18:25 ပူးပေါင်းရင်းမြစ်များ

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

Nau Ngluh Êjipt 8:9

Y-Môis ngơi đah Pharaôn: “Dăn ma may dăp hom mông nar ăn rah vah gay ma gâp kuăl mbơh sơm ma Brah Yêhôva, yor may, phung oh mon may jêh ri phung ƀon lan may, gay ƀư rai kĭt bơh may, bơh ngih may, knŏng hôm e tâm dak krong dơm.”

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.