I Phung Hađăch 18:24 - Nau Brah Ndu Ngơi 2023

²⁴ Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:24 ပူးပေါင်းရင်းမြစ်များ

Nau Ntơm 4:26

Y-Set bă tay du huê kon bu klâu, amoh Y-Ênôs. Bơh nây, bu ntơm kuăl mbơh sơm amoh Brah Yêhôva.

II Samuel 14:19

Hađăch ôp: “Di lĕ ti Y-Jôap gŭ ndrel ma ay tâm lĕ nau aơ?” Bu ur nây plơ̆ lah: “Hơi hađăch jêng kôranh gâp, nanê̆ tĭng nâm may hôm rêh, bu mâu dơi teng ôh pa ma mâu lah pa chiau tâm lĕ nau hađăch jêng kôranh gâp hŏ lah jêh. Di ngăn, nây jêng Y-Jôap, oh mon hađăch, hŏ ntăm jêh ma gâp jêh ri păng yơh ăn oh mon bu ur hađăch ngơi lĕ nau aơ.

I Phung Hađăch 18:23

Djôt leo hom văch ta aơ bar mlâm ndrôk nkuăng; ăn khân păng săch du mlâm ndrôk nkuăng ma khân păng nơm, jêh ri tah ăn âk glo, bun klơ long, ƀiălah lơi ta ăn ŭnh ôh ta nây. Bi gâp, gâp mra tah puăch ndrôk nguay ri, dơm păng klơ long, mâu đŏng ăn ŭnh ta nây.

I Phung Hađăch 18:25

Y-Êli ngơi lah ma phung nơm mbơh lor Baal: “Săch hom du mlâm ndrôk nkuăng jêh ri sreh păng lor, yorlah khân may jêng âk. Jêh nây kuăl amoh brah khân may, ƀiălah lơi ta ăn ŭnh ôh ta nây.”

I Phung Hađăch 18:38

Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

I Phung Hađăch 2:38

Y-Simei lah ma hađăch: “Nau may lah jêng di ueh ngăn, hađăch jêng kôranh gâp, moh nau may ntĭm nti oh mon may mra ƀư nau nĕ.” Pônây Y-Sêmei gŭ jŏ nar ta Yêrusalem.

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

II Nau Rêh Jêng 7:3

Lĕ rngôch phung ƀon lan Israel saơ da dê ŭnh tă klơ jêh ri nau chrêk rmah Brah Yêhôva bêng ngih brah. Khân păng păn ta neh, nkŭp muh măt ta klơ mbon ngih, yơk mbah jêh ri tâm rnê ma Brah Yêhôva pô aơ: “Yorlah Kôranh Brah jêng ueh, Nuih n'hâm ueh Păng hôm gŭ ƀaƀơ n'ho ro!”

Êsai 39:8

Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh!” Yor păng mĭn êng: “Tâm nau rêh gâp mra geh nau đăp mpăn jêh ri nau rnơm.”

Yêrêmi 27:18

Tơlah n'hêl nanê̆ ngăn khân păng jêng phung mbơh lor jêh ri nau Brah Yêhôva ngơi gŭ ndrel ma khân păng, pôri ăn khân păng mbơh sơm ma Brah Yêhôva ma phung tahan gay ma lĕ ndơ dŏng hôm e klen tâm ngih Brah Yêhôva, tâm ngih hađăch Yuđa jêh ri tâm ƀon Yêrusalem bu mâu djôt leo ôh ma bri Babilôn.

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Phung Kôranh Phat Dôih 6:21

Nôk nây, tông mpăr Brah Yêhôva djôt mâng jra ta ti, nđĭl chiông mâng ta puăch jêh ri ta piăng let mâu geh ndrui. Geh ŭnh hit tă bơh lŭ su puăch jêh ri piăng let mâu geh ndrui. Jêh nây tông mpăr Brah Yêhôva du roh tanăp măt păng.