I Phung Hađăch 18:19 - Nau Brah Ndu Ngơi 2023

¹⁹ Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 18:19 ပူးပေါင်းရင်းမြစ်များ

I Phung Hađăch 15:13

Hađăch n'glưh nsot mê̆ hađăch amoh H'Maka jêng hađăch bu ur, yorlah păng geh ndâk du mlâm rup brah Asêra, jêng Brah Yêhôva tâm rmot. Y-Asa ƀư rlâm lơi rup brah păng jêh ri su rup brah nây ta rlŭng Kidrôn.

I Phung Hađăch 16:33

Y-Ahap ƀư đŏng du mlâm rup brah Asêra. Pônây, Y-Ahap ƀư âk nau mhĭk, nsônh nau ji nuih Yêhôva Brah Ndu phung Israel rmeh lơn ma phung hađăch Israel lor panăp păng.

I Phung Hađăch 18:20

Hađăch Ahap prơh bunuyh hăn kuăl rgum lĕ rngôch bunuyh ƀon lan Israel jêh ri phung nơm mbơh lor tât ta yôk Karmel.

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

II Phung Hađăch 10:19

Pôri aƀaơ, kuăl rgum hom ma gâp lĕ rngôch phung nơm mbơh lor brah Baal, lĕ rngôch phung rhŏ brah Baal jêh ri lĕ rngôch phung kôranh ƀư brah păng. Lơi ăn roh du huê, yorlah gâp mra nhhơr du nau ƀư brah toyh ma brah Baal. Mbu nơm mâu tât, mâu mra rêh ôh.” Ƀiălah, Y-Jêhu ƀư nau nây ma nau ndơm gay ƀư rai phung rhŏ ma brah Baal.

II Phung Hađăch 13:6

Ƀiălah, khân păng mâu chalơi ôh nau tih ngih Y-Jêrôbôam, jêng nau nsŭk phung Israel ƀư tih; khân păng ăt ƀư nau tih nây, kŏ tât n'gâng mbah brah bu ur Asêrah ăt gŭ tâm Samari.

II Phung Hađăch 2:25

Ntơm bơh nây, Y-Êlisê hăn tât ta yôk Karmel, jêh nây plơ̆ sĭt ma Samari.

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

Nêhêmi 5:17

Ntŭk sưng sông gâp tâm ban lĕ, geh du rhiăng prăm jât nuyh phung Yuđa jêh ri phung kôranh, mâu kơp ma phung văch tât ma hên tă bơh phung mpôl băl bunuyh gŭ jŭm hên.

Nau Mprơ Ueh 7:6

Ay ueh ngăn, ay dŭt ueh ngăn ngên, Hơi nơm gâp rŏng, ay ƀư ma gâp rŏng ngăn!

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Amôt 1:2

Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Amôt 9:3

Nđâp tơlah khân păng du krap tâm n'gơn yôk Karmel Gâp ăt mra hăn joi gay nhŭp khân păng; Nđâp tơlah khân păng pôn tâm dâng dak mƀŭt Gâp mra đă bêh dak mƀŭt chôk khân păng ta nây.

Yôsuê 19:26

Alamêlek, Amat, jêh ri Misal. Mpeh nhâp nar tâm mâp đah Karmel jêh ri n'hor dak Sihôr-Lipnat,

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

I Samuel 15:12

Kah ôi taơ, păng kah rngăl ơm ôi hăn tâm mâp đah Y-Sôl. Geh bunuyh tât nkoch ma Y-Samuel: “Y-Sôl lĕ hăn tât ta Karmel, ndâk du ntŭk ndray ma păng nơm ta nây, pônây păng plĕch trong, hăn trŭnh ta Gilgal.”