I Phung Hađăch 18:18 - Nau Brah Ndu Ngơi 2023

¹⁸ Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

I Phung Hađăch 18:18 ပူးပေါင်းရင်းမြစ်များ

I Phung Hađăch 16:31

Hađăch tĭng kơt nau tih bơh Y-Jêrôbôam, kon bu klâu Y-Nêbat, jêng nau jê̆ dơm, yor nây păng hŏ nsông kon bu ur Y-Êtbaal, hađăch phung Sidôn, jêng H'Jêsêbel ƀư ur păng. Hađăch pah kan đŏng jêh ri yơk mbah ma brah Baal.

I Phung Hađăch 16:32

Hađăch ndâk nơng ƀư brah ma brah Baal tâm ntŭk jây rhŏ brah Baal păng hŏ ndâk jêh ta Samari.

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

I Phung Hađăch 21:26

Hađăch ƀư jêh nau mưch rmot ngăn jêng mbah lĕ rup brah nâm bu phung Amôrit hŏ ƀư, jêng phung ƀon lan Brah Yêhôva mprơh jêh bơh panăp phung ƀon lan Israel.

I Phung Hađăch 9:9

Bu mra plơ̆ lah pô aơ: ‘Nây jêng yorlah khân păng chalơi jêh Yêhôva Brah Ndu khân păng, Nơm hŏ njŭn leo phung chô yau khân păng du luh bơh Êjipt. Khân păng tĭng ndô̆ phung brah êng, yơk mbah phung brah nây jêh ri pah kan ma khân păng. Yor ri, Brah Yêhôva ăn tât lĕ nau mhĭk aơ ma khân păng.’ ”

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 28:19

Yorlah hađăch Yuđa geh nau tih, Brah Yêhôva hŏ n'glưh lơi Yuđa, yorlah Y-Ahas hŏ nsŭk ăn phung Yuđa ƀư blă blơ jêh ri ƀư tih jru đah Brah Yêhôva.

Nau Hôr 11:19

Bunuyh gŭ nâp tâm nau sŏng srăng leo tât ma nau rêh, Bi nơm tĭng joi nau ƀai njŭn tât nau khĭt.

Nau Hôr 13:21

Nau mhĭk tĭng groi phung geh nau tih, Bi nau ueh lăng jêng nau nkhôm ma bunuyh sŏng srăng.

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Êsêkiêl 3:8

Aơ Gâp mra ƀư ăn men dăng muh măt may gay tâm rdâng đah muh măt khân păng, jêh ri ndăr kleng may men dăng tâm rdâng đah ndăr kleng khân păng.

Mathay 14:4

Yorlah Y-Yôhan buay păng: “Hađăch sŏk ur oh may nơm jêng mâu di nau vay ôh.”

Kôranh Oh Mon 24:13

Aƀaơ aơ, khân păng mâu dơi mpơl nau mbơh ma nau khân păng phong gâp tanăp may.

Kôranh Oh Mon 24:20

Mâu lah ăn phung gŭ ta aơ mbơh moh nau tih gâp hŏ ƀư, dôl gâp gŭ tanăp Mpôl Kôranh Phat Dôih;

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

I Samuel 14:29

Y-Jônathan lah: “Mbơ̆ gâp hŏ ƀư jêh nau rŭng răng tay ma n'gor. Uănh hom, yorlah gâp ler djê̆ lê̆ dak sŭt aơ măt gâp jêng ang rah vah jêh!