I Phung Hađăch 18:17 - Nau Brah Ndu Ngơi 2023

¹⁷ Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 18:17 ပူးပေါင်းရင်းမြစ်များ

I Phung Hađăch 18:16

Pônây, Y-Apdia hăn chuă vơt Y-Ahap jêh ri mbơh ma păng gĭt. Y-Ahap hăn ro chuă vơt Y-Êli.

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Kôranh Oh Mon 16:20

Nôk njŭn leo phung nây tanăp phung kôranh phat dôih, khân păng phong: “Phung bunuyh aơ jêng phung Yuđa ƀư nau rŭng răng toyh tâm ƀon he,

Kôranh Oh Mon 17:6

Joi mâu dơi saơ ôh, khân păng nhŭp têk Y-Yason jêh ri ƀaƀă phung oh nâu văch tanăp kôranh chiă uănh ƀon nây, phong: “Phung nây hŏ ƀư rŭng răng tâm lĕ neh ntu, aƀaơ aơ khân păng tât aơ,

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.