I Phung Hađăch 18:12 - Nau Brah Ndu Ngơi 2023

¹² Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

I Phung Hađăch 18:12 ပူးပေါင်းရင်းမြစ်များ

I Phung Hađăch 18:11

Ƀiălah aƀaơ may đă tay oh mon may hăn lah ma hađăch pô aơ: ‘Y-Êli dôl gŭ ta aơ.’

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Nau Mprơ Ơm 71:5

Yorlah, ơ Kôranh Brah jêng Brah Yêhôva, May jêng nau kâp gân Jêh ri jêng nau gâp rnơm nsing bơh hôm mom.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 37:1

Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Mathay 4:1

Jêh nây, Brah Huêng Ueh njŭn leo Brah Yêsu tâm bri rdah gay ăn brah mhĭk ndơm Păng.

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Kôranh Oh Mon 12:19

Hêrôt đă bu joi ƀiălah mâu hôm dơi saơ ôh; hađăch sek ôp phung tahan gak, jêh ri đă bu nkhĭt lơi khân păng. Pakơi nây, hađăch du tă bơh n'gor Yuđa hăn trŭnh ta ƀon Sêsarê jêh ri gŭ ta nây.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

I Samuel 16:2

Y-Samuel lah: “Mâm gâp dơi hăn? Tơlah Y-Sôl tăng nau nây păng mra nkhĭt gâp!” Brah Yêhôva lah: “Têk leo ndrel ma may du mlâm ndrôk me druh, jêh ri lah: ‘Gâp văch gay nhhơr mpa ƀư brah ma Brah Yêhôva.’

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 2:26

Bi kon se ndăm rah Y-Samuel lơ hao toyh tâm săk jăn, lơ ƀư ueh maak nuih n'hâm Brah Ndu jêh ri lĕ rngôch bunuyh.