I Phung Hađăch 18:1 - Nau Brah Ndu Ngơi 2023

¹ Lôch jêh năng nar jŏ jong, geh nau Brah Yêhôva ngơi ma Y-Êli tâm năm prăng phang rơh pe pô aơ: “Hăn hom mâp đah Y-Ahap, Gâp mra ƀư ăn trôk mih tŭp ta neh ntu.”

I Phung Hađăch 18:1 ပူးပေါင်းရင်းမြစ်များ

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 17:15

Păng hăn jêh ri ƀư tĭng nâm nau Y-Êli hŏ lah. Păng nđâp Y-Êli jêh ri kon păng geh tŏng ndơ sa tâm âk nar.

I Phung Hađăch 17:7

Ƀiălah jêh ma nây n'hor dak lĕ suăt jêh, yorlah mâu geh ôh dak mih tâm n'gor nây.

I Phung Hađăch 18:2

Y-Êli hăn tâm mâp đah Y-Ahap. Rnôk nây, ta Samari geh nau ji ngot toyh hâu ngăn.

I Phung Hađăch 8:36

pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Kan Lêvi 26:4

Gâp mra ăn ma khân may dak mih di yan sial di keh, neh mra geh kao play jêh ri tơm si tâm mir mra geh play.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Yakơ 5:17

Êli jêng bunuyh rdja tâm ban ma he. Păng mbơh sơm dăn gay ma trôk mâu hôm mih jêh ri mâu hôm geh dak mih ôh ta neh ntu dôl tâm pe năm n'gul.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.