I Phung Hađăch 17:22 - Nau Brah Ndu Ngơi 2023

²² Brah Yêhôva dơn nau Y-Êli, n'hâm rêh kon se plơ̆ sĭt tay đah păng jêh ri păng dâk rêh tay.

I Phung Hađăch 17:22 ပူးပေါင်းရင်းမြစ်များ

I Phung Hađăch 17:23

Y-Êli chông kon se tă bơh jrô prêh klơ, trŭnh ta ngih tâm dâng, jao păng ma mê̆ păng jêh ri lah: “Uănh hom, kon ay hôm rêh!”

II Phung Hađăch 13:21

Du tơ̆ ri, bu dôl djôt leo du huê bunuyh khĭt gay tâp, khân păng saơ du phung tahan âk nây văch sŏk pit, khân păng mƀăr lơi ro bunuyh khĭt nây tâm môch Y-Êlisê jêh nây chalơi păng. Tơlah bunuyh khĭt geh gŏ jêh ta nting Y-Êlisê, bunuyh khĭt dâk rêh tay jêh ri dâk ta klơ jâng păng nơm.

Luka 7:14

Păng hăn dăch, pah ta băng, jêh ri phung bunuyh tung nsrŭng. Păng lah: “Hơi bu klâu ndăm, Gâp lah ma may dâk hom.”

Luka 8:54

Brah Yêsu kuăn ta ti bu ur jê̆ kuăl huy: “Hơi kon, dâk hom!”

Yôhan 11:43

Jêh lah nau nây, Brah Yêsu kuăl huy: “Ơ Y-Lasar, luh hom!”

Kôranh Oh Mon 20:12

Bu njŭn bu klâu ndăm nây plơ̆ sĭt ta ngih păng; păng ăt hôm rêh, nau nây bonh leng ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 14:9

Yor ri yơh Brah Krist khĭt jêh ri dâk rêh tay gay ma dơi jêng Kôranh Brah ma phung khĭt nđâp ma phung rêh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

ហេឞ្រើ 11:35

Geh phung bu ur sŏk dơn tay phung oh nâu khân păng nơm dâk rêh tay tă bơh nau khĭt; geh ƀaƀă dơn nau bu ƀư rêh ni jêh ri mâu ŭch tâm rklaih gay dơi geh nau dâk rêh tay ueh lơn.

Nau Tâm Mpơl 11:11

Jêh pe nar n'gul, n'hâm rêh luh tă bơh Brah Ndu lăp tâm bar hê khân păng jêh ri khân păng dâk sŏng, ƀư ăn phung bunuyh uănh saơ klach dŭt n'hâm ngăn.

I Samuel 2:6

Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.