I Phung Hađăch 17:20 - Nau Brah Ndu Ngơi 2023

²⁰ Jêh nây păng kuăl mbơh sơm ma Brah Yêhôva pô aơ: “Hơi Yêhôva Brah Ndu gâp! Mâm dĭng May ăn nau rêh ni ma bu ur ndrô aơ jêng nơm ngih, ntŭk ma gâp gŭ njơh, gay kon bu klâu păng khĭt?”

I Phung Hađăch 17:20 ပူးပေါင်းရင်းမြစ်များ

Nau Ntơm 38:10

Nau Y-Ônan ƀư nây jêng nau djơh mhĭk tanăp măt Brah Yêhôva jêh ri Kôranh Brah nkhĭt păng đŏng.

Nau Ntơm 38:7

Ƀiălah Y-Er kon bu deh bôk rah ma Y-Yuđa, ƀư nau djơh mhĭk tanăp măt Brah Yêhôva, yor ri Kôranh Brah nkhĭt păng.

I Phung Hađăch 17:19

Y-Êli lah ma păng: “Jao hom kon bu klâu ay ma gâp.” Păng chông kon se tă bơh ti me păng, leo hao jrô prêh klơ ntŭk păng gŭ, jêh ri dơm păng lâng ta sưng bê̆ch păng.

I Phung Hađăch 17:21

Păng dop săk păng ta klơ kon se nây pe tơ̆ jêh ri kuăl mbơh sơm ma Brah Yêhôva: “Hơi Yêhôva Brah Ndu gâp! Dăn ma Kôranh Brah ƀư ăn n'hâm rêh kon se aơ plơ̆ sĭt tay tâm păng.”

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

II Phung Hađăch 20:11

Jêh ri Y-Êsai nơm mbơh lor vơh vơl ma Brah Yêhôva; jêh ri Brah Yêhôva mplơ̆ gui rŭch pakơi jât nhuat, ma nau nây nar rŭch plơ̆ pakơi ta mông Y-Ahas.

II Phung Hađăch 4:33

Y-Êlisê lăp tâm jrô, nchăng mpông, knŏng geh păng jêh ri kon se jê̆, jêh nây gŭ mbơh sơm ma Brah Yêhôva.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Ngluh Êjipt 17:4

Y-Môis kuăl dăn ma Brah Yêhôva: “Mâm gâp mra ƀư ma phung ƀon lan aơ? Mâu tŏng ndơ khân păng klŭp gâp ma lŭ!”

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Mathay 21:22

Tâm dôl mbơh sơm, lĕ rngôch nau khân may dăn ma nau chroh mra sŏk dơn lĕ.”