I Phung Hađăch 17:17 - Nau Brah Ndu Ngơi 2023

¹⁷ Jŏ djê̆ pakơi, kon bu klâu bu ur ndrô, jêng nơm tơm ngih nây, ji. Nau ji jêng jâk glăm ngăn kŏ tât mâu hôm blau nsôr n'hâm ôh.

I Phung Hađăch 17:17 ပူးပေါင်းရင်းမြစ်များ

I Phung Hađăch 17:16

Rnih muy mâu lĕ ôh tâm yăng, dak ngi ôlive mâu pưt ôh tâm nông, di nâm nau Brah Yêhôva ngơi jêh ma Y-Êli.

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

Ndrom Samƀŭt bơh Yôp 12:10

Păng kuăn tâm ti nau rêh lĕ rngôch mpô mpa rêh Jêh ri n'hâm nsôr lĕ rngôch kon bunuyh.

Ndrom Samƀŭt bơh Yôp 34:14

Tơlah Păng knŏng mĭn rvê êng ma Păng nơm, Sŏk sĭt huêng brah jêh ri n'hâm nsôr ma Păng,

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Yôhan 11:14

Pôri, Brah Yêsu lah đŏng ma khân păng: “Y-Lasar lĕ khĭt jêh.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:26

Săk jăn mâu geh huêng mra khĭt, nau chroh mâu geh kan mra khĭt tâm ban pônây lĕ.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 4:12

Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.