I Phung Hađăch 17:12 - Nau Brah Ndu Ngơi 2023

¹² Bu ur ndrô plơ̆ lah: “Gâp sŏk amoh Yêhôva Brah Ndu may gŭ rêh mro mrăng gay sơm ton, gâp mâu geh piăng let ôh, knŏng hôm e du mbăt rnih môi tâm yăng jêh ri hôm djê̆ lê̆ dak ngi ôlive tâm nông. Aơ, gâp dônh bar n'gĭng long, jêh nây nkra ndơ nây ma gâp jêh ri ma kon bu klâu gâp; lah sa lôch jêh, hên mra khĭt.”

I Phung Hađăch 17:12 ပူးပေါင်းရင်းမြစ်များ

Nau Ntơm 21:15

Lah dak tâm nông păng hŏ lĕ jêh, păng chalơi êng kon jê̆ păng ta nâm ƀŭr si

Nau Ntơm 21:16

jêh nây păng nơm hăn jêh ri gŭ mpeh tra năp, ƀah ma kon se nây klăp truyh pănh ma hăr, yorlah păng lah: “Lơi ôh ăn gâp saơ khĭt kon gâp!” Dôl păng gŭ tâm tham tra năp nĕ, păng nhĭm nter.

II Samuel 15:21

Ƀiălah Y-Itai lah ma hađăch: “Tĭng nâm Brah Yêhôva gŭ rêh mro mrăng jêh ri hađăch jêng kôranh gâp gŭ rêh, hađăch jêng kôranh gâp mra gŭ ta ntŭk, nđâp lah tâm nau rêh mâu lah tâm nau khĭt, oh mon hađăch mra gŭ ta nây tâm ban lĕ.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 17:11

Bu ur nây dôl hăn sŏk dak. Ƀiălah păng kuăl tay păng jêh ri lah: “Djôt leo ma gâp du glo piăng let đŏng.”

I Phung Hađăch 17:13

Ƀiălah Y-Êli lah: “Lơi klach ôh, plơ̆ sĭt hom ƀư di tĭng nâm nau ay lah jêh. Ƀiălah lor lơn, sŏk hom rnih môi nây ƀư du glo piăng let jê̆ jêh nây djôt leo păng tât ma gâp. Jêh nau nây, ƀư hom piăng let ma ay nơm jêh ri kon bu klâu ay.

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Mathay 26:7

geh du huê bu ur djôt du rchŏk ma lŭ khlay dơm dak ƀâu kah khlay ngăn văch dăch Păng jêh ri tŏ ta klơ bôk Păng tâm nôk Păng gŭ ta sưng sông.

I Samuel 14:39

Yorlah tĭng nâm Brah Yêhôva gŭ rêh mro mrăng, jêng Nơm tâm rklaih phung Israel, phung hŏ ƀư tih jêh nđâp lah nây jêng Y-Jônathan, kon bu klâu gâp, nanê̆ păng mra khĭt!” Mâu geh du huê nuyh tâm phung ƀon lan plơ̆ sĭt lah ôh ma păng.

I Samuel 14:45

Ƀiălah phung ƀon lan lah ma Y-Sôl: “Y-Jônathan jêng nơm hŏ ƀư jêh ma phung Israel geh nau dơi toyh nâm pônây, mâm ƀư Y-Jônathan mra khĭt? Mâu geh pônây ôh! Nanê̆ tĭng nâm Brah Yêhôva gŭ rêh mro mrăng, nđâp lah du rse sŏk klơ bôk păng mâu mra rŭng ta neh ôh, yorlah păng ƀư kan ndrel ma Brah Ndu nar aơ.” Pôri, phung ƀon lan tâm rklaih Y-Jônathan, jêh ri păng mâu geh khĭt ôh.

I Samuel 20:21

Jêh nây gâp mra prơh hăn oh mon gâp, jêh ri lah ma păng: ‘Hăn dônh hom lĕ hăr nây!’ Tơlah gâp lah ma păng: ‘Ri, lĕ hăr gŭ mpeh đah aơ ntŭk may, sŏk dônh hom!’ Nôk nây ăn may văch yơh, nanê̆ ngăn nâm Brah Yêhôva gŭ rêh mro mrăng, lĕ nau đăp mpăn da dê yơh ma may, mâu geh nau klach krit ôh!

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 25:26

Aƀaơ, hơi kôranh gâp, Brah Yêhôva nkân jêh ti kôranh mâu ƀư nau nkhŭt mham, jêh ri sŏk ti may nơm plơng har. Nanê̆ nâm bu Brah Yêhôva gŭ rêh mro mrăng jêh ri kôranh ăt hôm rêh, ăn phung rlăng jêh ri phung ŭch ƀư mhĭk ma kôranh gâp mra nâm bu Y-Nabal!

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.