I Phung Hađăch 17:1 - Nau Brah Ndu Ngơi 2023

¹ Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 17:1 ပူးပေါင်းရင်းမြစ်များ

I Phung Hađăch 17:12

Bu ur ndrô plơ̆ lah: “Gâp sŏk amoh Yêhôva Brah Ndu may gŭ rêh mro mrăng gay sơm ton, gâp mâu geh piăng let ôh, knŏng hôm e du mbăt rnih môi tâm yăng jêh ri hôm djê̆ lê̆ dak ngi ôlive tâm nông. Aơ, gâp dônh bar n'gĭng long, jêh nây nkra ndơ nây ma gâp jêh ri ma kon bu klâu gâp; lah sa lôch jêh, hên mra khĭt.”

I Phung Hađăch 17:2

Jêh nây geh nau Brah Yêhôva ngơi ma Y-Êli:

I Phung Hađăch 18:1

Lôch jêh năng nar jŏ jong, geh nau Brah Yêhôva ngơi ma Y-Êli tâm năm prăng phang rơh pe pô aơ: “Hăn hom mâp đah Y-Ahap, Gâp mra ƀư ăn trôk mih tŭp ta neh ntu.”

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

I Phung Hađăch 18:15

Y-Êli plơ̆ lah: “Gâp sŏk amoh Brah Yêhôva ma phung tahan gŭ rêh mro mrăng, jêng Nơm gâp pah kan, gay sơm ton pô aơ: Nar aơ gâp mra hăn tâm mâp đah Y-Ahap.”

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

I Phung Hađăch 8:35

Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Phung Hađăch 3:14

Y-Êlisê lah: “Tanăp măt Brah Yêhôva ma phung tahan gŭ rêh mro mrăng, jêng Nơm gâp pah kan, gâp sơm ton pô aơ, tơlah mâu yơk chrê ôh ma Y-Jôsaphat, hađăch Yuđa, gâp mâu ŭch uănh ma may ôh jêh ri mâu ŭch saơ may đŏng.

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 5:16

Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng, jêng Nơm gâp pah kan, gay sơm ton pô aơ gâp mâu dơn du ntil ndơ ôh.” Y-Naaman bonh leng Y-Êlisê dơn ndơ nây, ƀiălah păng dun.

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

II Nau Rêh Jêng 21:12

Nơm mbơh lor Y-Êli njuăl samƀŭt ma Y-Jôram, lah pô aơ: “Yêhôva Brah Ndu Y-Đavit chô yau may, hŏ ntăm jêh: ‘Yorlah may mâu hăn tĭng ndô̆ trong Y-Jôsaphat, mbơ̆ may, mâu đŏng hăn tĭng trong Y-Asa, hađăch Yuđa,

II Nau Rêh Jêng 6:26

Tơlah lĕ ndâr trôk nchăng nâp, mâu geh dak mih ôh, yorlah phung ƀon lan Israel ƀư tih jêh đah May, tơlah jêh May hŏ phat dôih jêh khân păng, khân păng rle mpeh ta ntŭk aơ gay mbơh sơm, gĭt năl ma amoh Kôranh Brah jêh ri chalơi nau tih khân păng,

Ndrom Samƀŭt bơh Yôp 12:15

Păng nkrŭl dak, dak krong suăt kroh ro; Păng ăn dak mih jŭr ta neh, mir bêng ler.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 28:8

Ntơm bơh rnôk kăl e, lĕ rngôch phung nơm mbơh lor rnôk gâp jêh ri may hŏ mbơh lor ma nau tâm lơh, nau mhĭk tât, jêh ri nau ji tưp mra tât ma âk n'gor bri jêh ri ma lĕ bri dak toyh ktang.

Ndrom Samƀŭt bơh Agê 1:10

Yor ri, yorlah khân may dĭng trôk kân tay dak tŭk, jêh ri neh ntu kân tay play do đŏng.

Mathay 11:14

Tơlah khân may ŭch dơn nau aơ, păng yơh Y-Êli, nơm mra văch.

Mathay 16:14

Phung oh mon ơh: “Ƀaƀă phung lah jêng Y-Yôhan-Ƀaptist, ƀaƀă phung êng lah jêng Y-Êli, ƀaƀă phung êng đŏng lah jêng Y-Yêrêmi mâu lah du huê tâm phung nơm mbơh lor.”

Mathay 27:47

Tăng kơt nây, ƀaƀă bunuyh gŭ dăch ta nây lah: “Bunuyh aơ kuăl Y-Êli.”

Mathay 27:49

Ƀiălah phung êng lŏ lah: “Gŭ kâp hom, Y-Êli văch tâm rklaih păng mâu lah mâu.”

Mathay 7:29

yorlah Păng nti ma nau dơi toyh, mâu di nâm bu phung kôranh nchih samƀŭt ôh.

Luka 1:17

Kon nây mra sŏk nuih n'hâm jêh ri nau brah Y-Êli gay hăn lor ăn ma Kôranh Brah, gay djôt leo nuih n'hâm mbơ̆ plơ̆ sĭt đah kon păng, djôt leo nơm mâu tông bâr tât nau blau mĭn bunuyh sŏng srăng, jêh ri gay ma ndrăp du phung mpôl băl rơm ndrăp jêh ma Kôranh Brah.”

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 9:30

Ri, geh bar hê bunuyh ngơi ndrel đah Păng, nây jêng Y-Môis jêh ri Y-Êli.

Luka 9:33

Dôl bar hê nây du tă bơh Brah Yêsu, Y-Pêtrôs ngơi ma Păng pô aơ: “Hơi Nơm Nti, he gŭ ta aơ ueh ngăn, Dăn ăn hên ndâk pe mlâm vâl bok: du mlâm ma Nơm Nti, du mlâm ma Y-Môis jêh ri du mlâm ma Y-Êli.” Păng ngơi ƀiălah mâu gĭt moh nau păng lah.

Luka 9:54

Y-Yakơ jêh ri Y-Yôhan jêng phung oh mon Păng lah saơ kơt nây, ơh: “Ơ Kôranh Brah, May ŭch hên ƀư ăn ŭnh tă klơ trôk jŭr su lơi khân păng ƀơh?”

Yôhan 1:21

Khân păng ôp tay: “Lah ndrĭ may mbu moh? Di lĕ may jêng Y-Êli?” Păng plơ̆ lah: “Mâu di.” “Di lĕ may jêng nơm mbơh lor?” Păng plơ̆ lah: “Mâu di.”

Yôhan 1:25

ôp păng pô aơ: “Tơlah may mâu di jêng Brah Krist, mâu di jêng Êli, mâu đŏng jêng nơm mbơh lor, lah ndrĭ mâm may dơi ƀư ƀaptem?”

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

Samƀŭt Pôl Njuăl Ăn Ma Phung Nsing Ta Ƀon Rôm 11:2

Brah Ndu mâu mâp lơi ôh phung păng gĭt năl jêh bơh lor. Khân may mâu gĭt hĕ ma Nau Brah Ndu Ngơi nchih ma nau Y-Êli phong ma phung Israel tanăp Brah Ndu?

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.

Yakơ 5:17

Êli jêng bunuyh rdja tâm ban ma he. Păng mbơh sơm dăn gay ma trôk mâu hôm mih jêh ri mâu hôm geh dak mih ôh ta neh ntu dôl tâm pe năm n'gul.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.

Phung Kôranh Phat Dôih 12:4

Nôk nây taơ, Y-Jêptê rgum băl lĕ rngôch phung tahan Gilêat jêh ri tâm lơh đah phung Êphraim. Phung tahan n'gor Gilêat dơi lơh phung Êphraim, yorlah phung Êphraim lah pô aơ: “Hơi phung Gilêat, khân may jêng phung nchuăt du luh bơh phung Êphraim jêh ri gŭ ta nklang phung Êphraim jêh ri Manasê!”