I Phung Hađăch 16:21 - Nau Brah Ndu Ngơi 2023

²¹ Nôk nây, phung ƀon lan Israel tâm pă bar phung: du n'gul tĭng ndô̆ Y-Tipni, kon bu klâu Y-Ginat, jêh ri ŭch njêng păng jêng hađăch; du n'gul ri tĭng ndô̆ Y-Ômri.

I Phung Hađăch 16:21 ပူးပေါင်းရင်းမြစ်များ

I Phung Hađăch 15:25

Tâm năm tơ̆ bar nôk rô̆ chiă uănh Y-Asa, hađăch Yuđa, Y-Nadap, kon bu klâu Y-Jêrôbôam, hao sưng hađăch Israel jêh ri chiă uănh phung Israel bar năm.

I Phung Hađăch 15:28

Tâm năm tơ̆ pe Y-Asa, hađăch Yuđa, Y-Baêsa nkhĭt lơi Y-Nadap jêh ri pit sŏk sưng hađăch.

I Phung Hađăch 16:20

Lĕ kan êng Y-Simri jêh ri nau tâm rdâng păng, bu hŏ nchih da dê tâm ndrom samƀŭt nau rêh jêng phung hađăch Israel.

I Phung Hađăch 16:22

Ƀiălah phung ƀon lan tĭng ndô̆ Y-Ômri dơi lơn đah phung ƀon lan tĭng ndô̆ Y-Tipni, kon bu klâu Y-Ginat. Pônây Y-Tipni khĭt jêh ri Y-Ômri chiă uănh.

I Phung Hađăch 16:29

Tâm năm rơh pe jât ma pham nôk rô̆ Y-Asa, hađăch Yuđa chiă uănh, Y-Ahap, kon bu klâu Y-Ômri gŭ ta sưng hađăch phung Israel. Hađăch chiă uănh phung Israel bar jât ma bar năm ta Samari.

I Phung Hađăch 16:8

Năm rơh bar jât ma prao nôk rô̆ Y-Asa hađăch Yuđa chiă uănh, Y-Êla, kon bu klâu Y-Baêsa, ƀư hađăch Israel ta Tirsa, jêh ri chiă uănh bar năm.

Nau Hôr 28:2

Lah ntŭk n'gor uh ah Pôri geh âk kôranh; Ƀiălah rnơm du huê bunuyh gĭt vât jêh ri gĭt rbăng, Bri dak mra nâp jŏ jong.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Mathay 12:25

Brah Yêsu gĭt nau mĭn khân păng jêh ri lah: “Ƀon bri hađăch tâm nkhah tâm pă păng nơm mra rai yot, ăp ƀon mâu lah ăp ngih tâm nkhah tâm pă păng nơm mâu mra dơi gŭ ƀaƀơ ôh.