I Phung Hađăch 16:12 - Nau Brah Ndu Ngơi 2023

¹² Y-Simri hŏ ƀư rai lơi lĕ ngih Y-Baêsa, di nâm nau Brah Yêhôva hŏ ngơi jêh ma bâr mbung nơm mbơh lor Y-Jêhu nduyh đah Y-Baêsa,

I Phung Hađăch 16:12 ပူးပေါင်းရင်းမြစ်များ

I Phung Hađăch 14:18

Bu tâp păng, lĕ rngôch phung Israel nhĭm vơl ma păng da dê, tĭng nâm nau Brah Yêhôva hŏ ngơi jêh ma bâr mbung oh mon Păng, jêng nơm mbơh lor Y-Ahija.

I Phung Hađăch 15:16

Hađăch Yuđa jêng Y-Asa geh nau tâm lơh đah hađăch Israel jêng Y-Baêsa, tâm lĕ rnôk nau chiă uănh.

I Phung Hađăch 16:1

Rnôk nây, geh nau ngơi Brah Yêhôva nduyh ma Y-Baêsa, đă Y-Jêhu, kon bu klâu Y-Hanani, lah pô aơ:

I Phung Hađăch 16:3

Yor ri, Gâp mra pih kloh Y-Baêsa jêh ri ngih păng, ƀư ma ngih may nâm bu ngih Y-Jêrôbôam, kon bu klâu Y-Nêbat.

I Phung Hađăch 16:7

Tâm ban pônây, Brah Yêhôva ngơi ma nơm mbơh lor Y-Jêhu, kon bu klâu Y-Hanani, nduyh đah Y-Baêsa jêh ri ngih păng, yorlah lĕ nau tih hađăch hŏ ƀư tanăp măt Brah Yêhôva, sŏk nau kan ti păng hŏ ƀư gay nsônh nau ji nuih ma Păng, tâm ban ma ngih Y-Jêrôbôam, nđâp lah hađăch ƀư rai jêh ngih nây.

I Phung Hađăch 17:16

Rnih muy mâu lĕ ôh tâm yăng, dak ngi ôlive mâu pưt ôh tâm nông, di nâm nau Brah Yêhôva ngơi jêh ma Y-Êli.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

II Nau Rêh Jêng 10:15

Pôri, hađăch mâu ŭch iăt ôh tǐng nau phung ƀon lan dăn, jêh ri nau nây jêng yor tă bơh Brah Ndu nơm ăn, gay ƀư tât di ngăn nau Brah Yêhôva hŏ đă Y-Ahija, bunuyh ƀon Silô, ngơi đah Y-Jêrôbôam, kon Y-Nêbat.

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

II Nau Rêh Jêng 20:34

Lĕ kan ƀaƀă Y-Jôsaphat ƀư ntơm bơh saơm tât lôch, bu nchih da dê tâm ndrom samƀŭt Y-Jêhu, kon bu klâu Y-Hanani, jêh ri nau nkoch bri nây bu nchih prăp jêh tâm ndrom samƀŭt phung hađăch Israel.

Nau Hôr 26:6

Mbu nơm nsing ma bunuyh rluk ndơ̆ nau nkoch ma bu, Tâm ban ma kăl jâng păng nơm jêh ri nhêt nau rai yot.