I Phung Hađăch 15:26 - Nau Brah Ndu Ngơi 2023

²⁶ Păng ƀư nau mhĭk tanăp măt Brah Yêhôva, hăn tĭng tâm trong chô yau păng, ƀư tih tâm ban Y-Jêrôbôam hŏ ƀư tih jêh ri nsŭk phung Israel ƀư tih tay đŏng.

I Phung Hađăch 15:26 ပူးပေါင်းရင်းမြစ်များ

Nau Ntơm 20:9

Jêh nây, Y-Abimêlek kuăl Y-Abraham, jêh ri lah: “Moh nau may hŏ ƀư ma hên kơt nây? Moh nau mâu di gâp lĕ ƀư đah may dĭng may ƀư đah gâp jêh ri lĕ bri dak gâp dơn nau tih toyh kơt nây? May hŏ ƀư ma gâp lĕ nau bu mâu vay ôh ƀư.”

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 15:30

yor nau tih Y-Jêrôbôam hŏ ƀư tih, ƀư tih đŏng ma phung Israel jêh ri nsônh nau ji nuih Yêhôva Brah Ndu phung Israel.

I Phung Hađăch 15:34

Hađăch ƀư nau mhĭk tanăp măt Brah Yêhôva, hăn tĭng trong Y-Jêrôbôam jêh ri nau tih Y-Jêrôbôam hŏ ƀư tih, nsŭk jêh phung Israel ƀư tih đŏng.

I Phung Hađăch 16:19

Nây jêng yor lĕ nau tih Y-Simri hŏ ƀư tih, ƀư nau mhĭk tanăp măt Brah Yêhôva, hăn tĭng ndô̆ trong Y-Jêrôbôam, jêh ri hŏ ƀư tih jêh tâm ban ma Y-Jêrôbôam hŏ ƀư tih, jêng nau leo ma phung Israel ƀư tih.

I Phung Hađăch 16:30

Y-Ahap, kon bu klâu Y-Ômri, ƀư nau mhĭk tanăp măt Brah Yêhôva rlau lơn ma phung hađăch lor panăp păng.

I Phung Hađăch 16:7

Tâm ban pônây, Brah Yêhôva ngơi ma nơm mbơh lor Y-Jêhu, kon bu klâu Y-Hanani, nduyh đah Y-Baêsa jêh ri ngih păng, yorlah lĕ nau tih hađăch hŏ ƀư tanăp măt Brah Yêhôva, sŏk nau kan ti păng hŏ ƀư gay nsônh nau ji nuih ma Păng, tâm ban ma ngih Y-Jêrôbôam, nđâp lah hađăch ƀư rai jêh ngih nây.

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

I Phung Hađăch 22:52

Tâm năm rơh jât ma pơh nôk rô̆ Y-Jôsaphat, hađăch Yuđa, Y-Ahasia, kon bu klâu Y-Ahap, ƀư hađăch phung Israel jêh ri chiă uănh bar năm ta Samari.

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

Nau Ngluh Êjipt 32:21

Y-Môis lah ma Y-Arôn: “Moh phung ƀon lan aơ hŏ ƀư jêh ma may kŏ may ăn tât nau tih toyh ma khân păng?”

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Samƀŭt Pôl Njuăl Ăn Ma Phung Nsing Ta Ƀon Rôm 14:15

Tơlah yorlah ndơ may sông sa ƀư rngot rvê ma phung oh nâu may, may mâu gŭ ngao di tĭng nâm nau rŏng ôh. Lơi yor ndơ may sông sa ƀư roh du huê ôh Brah Krist khĭt jêh yor păng.

I Samuel 2:24

Hơi phung kon, lơi ƀư kơt nây! Nau gâp tăng ma nau khân may ƀư mâu ueh ôh, khân may nsŭk ăn phung ƀon lan Brah Yêhôva ƀư tih.