I Phung Hađăch 15:18 - Nau Brah Ndu Ngơi 2023

¹⁸ Nôk nây, Y-Asa sŏk lĕ rngôch prăk jêh ri mah hôm e tâm jay ngih Brah Yêhôva jêh ri tâm jay ngih hađăch, jao lĕ rngôch ăn ma phung oh mon păng, jêh nây prơh khân păng hăn mâp đah Y-Ben-Hadat, kon bu klâu Y-Tarimmôn, sau Y-Hêsiôn, hađăch Aram gŭ ta ƀon Damas, lah pô aơ:

I Phung Hađăch 15:18 ပူးပေါင်းရင်းမြစ်များ

Nau Ntơm 14:15

Y-Abram tâm pă tahan, nôk măng ăn phung oh mon hăn lơh jêh ri hăn tĭng lơh phung rlăng tât ta ƀon Hôba, gŭ mpeh bơh lơ ƀon Damas.

Nau Ntơm 15:2

Ƀiălah Y-Abram ơh: “Hơi Kôranh Brah jêng Brah Yêhôva, moh ndơ May mra ăn ma gâp? Gâp mâu geh ôh oh kon, jêh ri bunuyh ndơn drăp gâp jêng Y-Êliêser, bunuyh Damas.”

I Phung Hađăch 14:26

Y-Sisăk sŏk lĕ ndô ndơ khlay tâm ngih Brah Yêhôva jêh ri bơh ngih hađăch, sŏk pit đŏng lĕ rngôch khêl mah Y-Salômôn hŏ ƀư.

I Phung Hađăch 15:15

Păng djôt leo ma ngih Brah Yêhôva lĕ ndơ kloh mbơ̆ păng jêh ri păng nơm hŏ prăp êng ăn nau kloh ueh, mâu lah mah, prăk, mâu lah lĕ ndơ dŏng.

II Phung Hađăch 12:17

Tâm rnôk nây, hađăch Aram jêng Y-Hasael leo phung tahan rduh lơh đah ƀon Gat jêh ri dơi pit sŏk ƀon aơ. Hađăch plơ̆ rduh lơh đah ƀon Yêrusalem.

II Phung Hađăch 12:18

Y-Jôas, hađăch Yuđa, sŏk lĕ rngôch ndơ kloh ueh phung hađăch Yuđa jêng Y-Jôsaphat, Y-Jôram jêh ri Y-Ahasia hŏ prăp êng ma nau kloh ueh, ndrel ma lĕ rngôch ndơ kloh ueh jêng ndơ hađăch nơm hŏ nhhơr jêh, jêh ri lĕ rngôch mah tâm jay ngih Brah Yêhôva jêh ri tâm ngih hađăch gay djôt leo chê̆ lĕ ndơ nây ma Y-Hasael, hađăch Aram. Yor ri, Y-Hasael du ngai bơh Yêrusalem.

II Phung Hađăch 12:19

Mâu di hĕ lĕ kan êng bơh Y-Jôas jêh ri lĕ rngôch kan păng ƀư, bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Nau Rêh Jêng 15:18

Păng djôt leo ma ngih Brah Yêhôva lĕ ndơ mbơ̆ păng jêh ri păng nơm hŏ prăp êng ăn kloh, geh mah, prăk jêh ri lĕ ndơ dŏng.

Yêrêmi 49:27

“Gâp mra su ŭnh ta mpêr ƀon Damas, Ŭnh mra sa ngih phung hađăch Y-Ben-Hadat.”

Amôt 1:4

Gâp mra njuăl ŭnh tât tâm ngih Y-Hasael Gay ma ŭnh sa lĕ pôih nâp Y-Ben-Hadat.