I Phung Hađăch 15:13 - Nau Brah Ndu Ngơi 2023

¹³ Hađăch n'glưh nsot mê̆ hađăch amoh H'Maka jêng hađăch bu ur, yorlah păng geh ndâk du mlâm rup brah Asêra, jêng Brah Yêhôva tâm rmot. Y-Asa ƀư rlâm lơi rup brah păng jêh ri su rup brah nây ta rlŭng Kidrôn.

I Phung Hađăch 15:13 ပူးပေါင်းရင်းမြစ်များ

II Samuel 15:23

Lĕ n'gor bri nhĭm nhhiăng lŭng nter dôl lĕ rngôch phung ƀon lan aơ lĕ hăn jêh. Hađăch rgăn dak n'hor Kidrôn, ndrel ma lĕ rngôch phung ƀon lan tât ta trong rlet bri rdah da dê.

I Phung Hađăch 15:10

Păng chiă uănh tâm puăn jât ma nguay năm tâm ƀon Yêrusalem. Mê̆ păng amoh H'Maka, kon bu ur Y-Abisalom.

I Phung Hađăch 15:2

Y-Abijam chiă uănh pe năm tâm Yêrusalem. Mê̆ păng amoh H'Maka, kon bu ur Y-Abisalom.

I Phung Hađăch 2:19

Pônây H'Batsêba hăn mâp hađăch Salômôn gay mbơh ma hađăch lĕ nau Y-Adônija ŭch. Hađăch dâk chuă vơt jêh ri kŭnh mbah panăp păng, jêh nây păng gŭ ta sưng hađăch păng nơm. Hađăch ntăm đă bu dơm du rnơl gŭ đŏng ma mê̆ hađăch gay păng gŭ mpeh pa ma hađăch.

II Phung Hađăch 10:26

ngluh lơi lĕ n'gâng mbah ngih brah Baal jêh ri su lơi păng.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Nau Rêh Jêng 34:4

Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

Nau Ngluh Êjipt 32:20

Y-Môis sŏk rup ndrôk kon khân păng hŏ tŏ jêh ri su tâm ŭnh, păng ƀư hăch jêng rnih jêh nây nkhŭt rnih nây tâm n'hor dak jêh ri ăn phung ƀon lan Israel nhêt.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Sakari 13:3

Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Yôhan 18:1

Jêh nau mbơh sơm, Brah Yêsu hăn ndrel ma phung oh mon ta đah ri dak n'hor Kêdrôn; ta nây geh du n'gar, Păng lăp ta nây ndrel ma phung oh mon Păng.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Galati 2:14

Dôl saơ khân păng mâu hăn sŏng tĭng nau ngăn bơh Nau Mhe Mhan Ueh, gâp lah ma Y-Sêphas tanăp lĕ rngôch bunuyh pô aơ: “Tơlah may jêng bunuyh Yuđa, ƀiălah gŭ rêh tĭng nau phung bu năch, mâu kơt nâm bu phung Yuđa ôh, mâm ƀư may nchâp phung bu năch gŭ rêh tĭng nâm nau phung Yuđa?”

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.

Nau Vay Nkah Tay 9:21

Gâp djôt ndơ tih khân may, jêng rup kon ndrôk, su ndơ nây tâm ŭnh, nchah lơi ăn hăch, kĭn lơi kŏ se jêng rnih nâm bu ndruyh jêh nây nkhŭt ndruyh nây tâm n'hor dak hoch tă bơh klơ yôk.

Yôsuê 6:24

Jêh nây khân păng su lơi ƀon ma ŭnh jêh ri lĕ rngôch ndơ tâm trôm ƀon, knŏng nglăp tâm jay prăp Brah Yêhôva prăk, mah, lĕ glah ma kông, ma loih.