I Phung Hađăch 14:30 - Nau Brah Ndu Ngơi 2023

³⁰ Nau tâm lơh tât geh mro mrăng ta nklang Y-Rôbôam jêh ri Y-Jêrôbôam.

I Phung Hađăch 14:30 ပူးပေါင်းရင်းမြစ်များ

II Samuel 3:1

Ngih Y-Đavit jêh ri ngih Y-Sôl tâm lơh mro jŏ năng nar; Y-Đavit lơ nar lơ ktang, bi ngih Y-Sôl lơ nar lơ huơi.

I Phung Hađăch 12:21

Plơ̆ sĭt ma ƀon Yêrusalem, Y-Rôbôam kuăl rgum lĕ rngôch ngih Yuđa jêh ri ndŭl mpôl Benjamin geh du rsen pham rmưn bunuyh tahan dăng ktang, gay tâm lơh đah ngih Israel, gay ndâk đŏng ƀon bri hađăch ma Y-Rôbôam, kon bu klâu Y-Salômôn.

I Phung Hađăch 12:24

Aơ jêng nau Brah Yêhôva lah: ‘Khân may mâu dơi tâm lơh ôh đah phung oh nâu khân may, jêng phung ƀon lan Israel. Ăp nơm plơ̆ sĭt hom ngih păng nơm, yorlah nau aơ tă bơh Gâp ăn dơi tât.’” Pônây, khân păng iăt tĭng ma nau Brah Yêhôva ntrŭnh jêh ri plơ̆ sĭt.

I Phung Hađăch 14:19

Lĕ rngôch nau kan êng Y-Jêrôbôam ƀư, jêng nau tâm lơh jêh ri kan păng chiă uănh, bu hŏ nchih da dê tâm ndrom samƀŭt nau rêh jêng ma phung hađăch Israel.

I Phung Hađăch 15:16

Hađăch Yuđa jêng Y-Asa geh nau tâm lơh đah hađăch Israel jêng Y-Baêsa, tâm lĕ rnôk nau chiă uănh.

II Nau Rêh Jêng 12:15

Lĕ rngôch kan Y-Rôbôam hŏ ƀư bơh ntơm tât lôch, hŏ nchih da dê jêh tâm ndrom samƀŭt nơm mbơh lor Y-Sêmaya jêh ri nơm geh nau tâm saơ Y-Idô, tĭng nau nchih noi deh. Y-Rôbôam đah Y-Jêrôbôam geh nau tâm lơh ƀaƀơ.