I Phung Hađăch 14:27 - Nau Brah Ndu Ngơi 2023

²⁷ Hađăch Rôbôam ntrŭnh ƀư lĕ khêl kông ntrok lĕ khêl nây jêh ri jao lĕ ndơ nây ma phung kôranh tahan gak ngih hađăch.

I Phung Hađăch 14:27 ပူးပေါင်းရင်းမြစ်များ

II Samuel 11:9

Ƀiălah Y-Uri bê̆ch ta mpông pêr ngih hađăch ndrel ma lĕ rngôch phung tahan hađăch păng nơm, mâu sĭt ma ngih păng.

II Samuel 15:1

Jŏ djê̆ ta nây, Y-Apsalôm rơm ndrăp ma păng nơm du bôk ndeh, seh uih ndeh, jêh ri prăm jât nuyh tahan nchuăt tanăp păng.

I Phung Hađăch 14:1

Nôk nây, Y-Abija, kon Y-Jêrôbôam, geh nau ji.

I Phung Hađăch 14:28

Ăp tơ̆ hađăch lăp tâm ngih Brah Yêhôva, tahan gak djôt lĕ khêl nây. Jêh nau nây, khân păng djôt leo lĕ khêl nây prăp tâm jay phung tahan gak.

I Phung Hađăch 14:5

Ƀiălah Brah Yêhôva lah ma Y-Ahija pô aơ: “Aơ, ur Y-Jêrôbôam văch tât ŭch ôp may ma nau kon bu klâu păng, yorlah păng ji. May mra plơ̆ lah ma păng kơt aơ, kơt aơ. Tơlah hăn tât, păng mra nklă n'hi săk jêng du huê bu ur êng.”

I Phung Hađăch 18:46

Ti Brah Yêhôva gŭ ta Y-Êli; păng rêt rse bŭt păng jêh ri nchuăt panăp ndeh seh Y-Ahap kŏ tât lăp ta ƀon Jesrêel.

II Phung Hađăch 11:19

Păng djôt phung kôranh ma du rhiăng bunuyh tahan, phung tahan Karit, phung tahan gak jêh ri lĕ rngôch phung ƀon lan tâm n'gor bri. Khân păng njŭn leo hađăch trŭnh tă bơh ngih Brah Yêhôva, hăn rgăn mpông pêr phung tahan gak gay hăn lăp ma ngih hađăch. Jêh nây Y-Jôas gŭ ta sưng hađăch.

II Phung Hađăch 11:4

Tâm năm rơh pơh, Y-Jêhôida prơh bu hăn njŭn leo phung kôranh du rhiăng bunuyh tahan tâm phung tahan Karit jêh ri phung tahan gak văch tât ma păng tâm ngih Brah Yêhôva. Păng ƀư nau tâm rnglăp đah khân păng, nchâp khân păng sơm ton tâm ngih Brah Yêhôva jêh ri păng nchŏng kon bu klâu hađăch ma khân păng.

I Samuel 22:17

Hađăch lah ma phung tahan gak dâk jŭm păng: “Văch dăch hom jêh ri nkhĭt lơi lĕ rngôch phung kôranh ƀư brah Brah Yêhôva, yorlah khân păng kơl Y-Đavit, gĭt jêh păng lĕ du ƀiălah mâu ŭch mbơh ăn ma gâp gĭt.” Ƀiălah phung tahan gak hađăch mâu ŭch ôh yơr ti khân păng gay nkhĭt phung kôranh ƀư brah Brah Yêhôva.

I Samuel 8:11

Păng lah: “Aơ jêng nau vay hađăch mra chiă uănh khân may: Hađăch mra sŏk phung kon bu klâu khân may ăn khân păng ƀĭt ndeh seh tâm lơh, mâu lah jêng phung tahan ncho seh, mâu lah nchuăt panăp ndeh seh hađăch.