I Phung Hađăch 14:24 - Nau Brah Ndu Ngơi 2023

²⁴ Tâm n'gor bri geh đŏng bu klâu văng tĭr pah kan tâm lĕ jây rhŏ brah. Khân păng ƀư tĭng kơt lĕ nau rmot tâm phung ndŭl mpôl Brah Yêhôva mprơh jêh panăp phung ƀon lan Israel.

I Phung Hađăch 14:24 ပူးပေါင်းရင်းမြစ်များ

Nau Ntơm 19:5

Khân păng kuăl Y-Lot jêh ri ôp: “Hŏ phung bu năch lăp tâm ngih may măng aơ? Leo hom khân păng tât ta aơ gay hên sông sa bê̆ch ndrel ma khân păng.”

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

I Phung Hađăch 22:46

Lĕ kan êng Y-Jôsaphat, nau ktang hađăch, lĕ nau hađăch tâm lơh, bu hŏ nchih da dê tâm ndrom samƀŭt nau rêh jêng ma phung hađăch Yuđa.

II Phung Hađăch 23:7

Păng ƀư rlâm lơi ngih phung bu klâu văng tĭr tâm ngih Brah Yêhôva, ta ntŭk nây phung bu ur tanh vâl bok ma rup Asêra.

Kan Lêvi 18:26

Bi ma khân may, gĭt lah phung ƀon lan tâm n'gor mâu lah bunuyh gŭ njưh ta nklang khân may, ăn djôt prăp da dê nau vay jêh ri nau Gâp dăp, lơi ƀư ôh tâm du ntil tâm lĕ nau kan ƀơ̆ ƀơch nĕ.

Kan Lêvi 18:30

Pôri, ăn khân may djôt prăp nau Gâp ntĭnh jêh, mâu dơi ƀư lĕ nau vay ƀơ̆ ƀơch tâm phung ƀon lan gŭ rêh ta nây lor ma khân may, jêh ri lơi ăn nau vay mhĭk nây ƀư ƀơ̆ ma khân may. Gâp jêng Yêhôva Brah Ndu khân may.”

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Nau Vay Nkah Tay 23:17

Lơi ăn ôh du huê kon bu ur mâu lah kon bu klâu Israel dơi ƀư nau văng tĭr tâm ntŭk rhŏ brah.

Nau Vay Nkah Tay 23:18

Khân may mâu dơi ôh djôt leo lăp ta ngih Yêhôva Brah Ndu rnoh prăk nkhôm kan bơh du huê bu ur văng tĭr, mâu lah rnoh khlay du mlâm so, nđâp lah jêng rnoh ƀư nanê̆ nau ton, yorlah lĕ bar ntil ndơ nây jêng nau Yêhôva Brah Ndu khân may tâm rmot da dê.

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”